2012年9月26日星期三

奶皇月餅

        每年中秋,奶皇月餅都成為搶手貨,酒店出品閒閒哋都幾百蚊一盒,好食嗎?值嗎?真係見人見智喇!

        老友 Louisa 早年跟名師傅學整奶皇月餅,食過佢嘅自家改良月餅,真係無得彈,奶皇餡香濃,且軟而不實,餅皮夠鬆酥又唔會有過重牛油臊味,比起嗰間開賣時要出動到警察嘅酒店出品,好食千萬倍!!唔係淨係我咁講,有試過的朋友都係咁話㗎!

        真係好佩服 Louisa,一個人、一雙手,今年就整咗差唔多六百個月餅,仲接到台灣訂單㖭!既然呢個奶皇月餅咁正,我就問咗佢拎個私房食譜,約埋 Winnie 一齊上去 Ernest 媽咪屋企一齊做阿茂喇!!



2012年9月22日星期六

紫薯冰皮月餅



噚日放假喺屋企瞓到黃朝八晏先起身,夜晚嗰餐又唔駛點煮,所以就有時間整冰皮月餅喇!



 



好耐之前
blog

Motonako A.
分享
咗個冰皮月餅食譜俾我,裡面有教埋整紫薯餡,不過上年因為同 Winnie 一齊整咗其他味道,所以無試過個食譜,今年就落實整呢個紫薯餡啦。至於個月餅皮,同上年一樣,都係用番糕粉整,唔駛蒸呀嘛,方便好多!之前煮黑糯米時,特登將浸過黑糯米嘅水留起,放上冰格保存,今次大派用場喇,解凍後就可以用嚟搓皮,咁就唔駛落色素啦!

 


紫薯餡



 



材料:

紫番薯  
   
600 ( 去皮後計算 )



糖霜     2 湯匙



澄麵     2 湯匙

  1 湯匙



  2 湯匙





- 番薯去皮後切粒,之後隔水蒸熟,趁熱用叉壓爛成薯蓉。




-
之後加入糖霜拌勻;另用水將澄麵開勻成粉漿。




- 油同粉漿一齊加入薯蓉內拌勻。




- 將薯蓉放入鑊內,用中慢火不斷兜炒,直至黏性增加,並且可以摺疊成糰為止。




- 盛起薯蓉,攤凍備用。



 



 



月餅皮



 



材料:

浸黑糯米水  120 毫升

  50

糕粉     100



固體菜油     15



 



- 浸黑糯米水同糖放入煲內,以大火煮滾至糖溶,熄火後攤凍備用。




-
固體菜油加入糕粉內,然後將糖水倒入,邊倒邊攪拌,直至所有材料完全均勻混合成糰。



 



 



組合




-
將紫薯餡同餅皮粉糰分成細份,每份分別重 36 24




-
壓平粉糰,包入紫薯餡,捏緊收口。




-
粉糰滾上粟粉,輕手拍去多餘粟粉,放入膠餅模內,輕輕按下彈弓將粉糰壓實後即可脫模。



估唔到黑糯米水與糕粉混合後,顏色會變得偏紅,
唔夠紫色,不過總好過用人造色素啦!






因為內餡全用番薯蓉,無溝綠豆蓉,所以番薯味非常香濃清甜,讚!









Notes

-
食譜所用嘅月餅模為 63




-
如果鍾意的話,可以將一半份量嘅水改為椰漿,而固體菜油用量則減至 10




-
包好餡之後,可以將粉糰略為搓成長形,方便放入模內,以免被餅模邊緣刮破。




-
做好嘅冰皮月餅需放入雪櫃保存,如果要放更長時間的話,建議放上冰格,食之前放番落下
  格解凍即可。

2012年9月21日星期五

月餅到!!



仲以為今年會係自家製作月餅搶先登場 ………






點知都係好友送
嘅月餅行先一步!






多謝
Ernest 媽咪送嘅「國金軒」月餅,一介草民嘅我
先可以嚐到名人飯堂出品嘅高檔月餅。






Winnie
就幾乎每年都會有一盒月餅俾我,因為佢阿哥公司會
送禮俾
啲客,有剩的話就會拎番嚟同大家分享哦!


2012年9月16日星期日

茄汁煮雞腿 Ayam Masek Merah



睇到個名,咪以為係一個普通番茄煮雞髀嘅菜式,其實呢個係一個娘惹菜嚟㗎!

 



早前喺圖書館借咗本
娘惹菜食譜,裡面有好多個餸我都想煮,但係,同一般東南亞菜式一樣,都用到頗多香料,工序比較多之餘,有啲材料仲未必係隨便可以買到。喺咁多個食譜之中,我點解會睇中呢個呢?因為所有材料我手頭上都有之餘,佢嘅味道亦好吸引到我去試,皆因真係好難想像到肉桂、八角加南薑煮番茄會係咩味,至少我唔會咁煮先啦!

 




材料:

雞髀  1500


罐頭番茄   1 小罐


2 湯匙

肉桂 1

八角 2

    1 茶匙

淡奶 100 毫升

    300 毫升

洋蔥     1



 



香料:

乾蔥頭 200

辣椒乾
20

蒜頭 4


    20

南薑     1 小塊



 



- 雞髀洗乾淨後用適量鹽醃好;所有香料放攪拌機內打碎;洋蔥切開 4 份。




-
燒熱適量油,放雞髀入內炸至金黃,盛起瀝乾油,備用。




- 倒去炸油,剩餘少量留鑊內,加入香料炒香至油份滲出。




- 雞髀回鑊,兜炒至完全沾上香料。




- 將其餘材料加入,用中慢火燜至雞髀全熟即成。



 



食譜出自
Patricia Lee 嘅《經典娘惹菜》。

 



眾所周知,我係唔會開油鑊炸嘢嘅,用半煎炸方式都做到咁樣已經好滿意喇!




估唔到味道咁好喎!我自己額外加多幾隻番茄落去一齊煮,不過我就無落到奶喇,
怕自己接受唔到香料加奶煮番茄呢個咁
嘅口味。

2012年9月12日星期三

煙肉牛油果意大利燴飯 Becan & Avocado Risotto

咗好一段時間無煮 risotto,上星期就試咗用牛油果加煙肉嚟煮,味道都唔錯㗎,入口仲好 creamy㖭!

 




材料:

煙肉

洋蔥

牛油果

蒜蓉

意大利米

羅勒

百里香




調味料:

白酒

清雞湯



辣椒粉



 



- 煙肉剪碎;洋蔥去衣後切成細粒、牛油果去殼、去核後切粒。




-
燒熱油,放入煙肉碎慢火煎香,之後加入洋蔥同蒜蓉一齊爆香。




-
將米加入,兜炒片刻,倒入適量白酒炒至乾。




-
之後加入清雞湯,邊煮邊攪拌。




-
當水份煮乾後就再加入湯及牛油果,繼續邊煮邊攪拌。




-
重覆加入清雞湯煮至米熟為止,最後加入鹽、香草同辣椒粉調味即成。

今次試吓煮得無咁乾身,但個人口味都係鍾意比較乾爽少少。






今次個牛油果唔係好靚,味道唔夠香濃,可惜!


榴槤木糠布甸 Durian Serradura



Lily 就快要考琴喇,佢其實彈得唔差,如果肯花多少少時間練琴, distinction 絕對無問題。不過,我呢位老表係嗰種 見光死人,一對住人彈琴就即刻大打折扣,真係打個 5 折都唔只!咁你話點得㗎,棧白白浪費哂之前所付出嘅心機同努力啦!所以 Winnie 星期日就專登過嚟我屋企聽佢彈琴,實行要兇一兇佢!



 



咁我當然都識做
嘅,唔會要老友白做,就整定個布甸 孝敬佢啦!順便請埋老表食,等佢可以冷靜啲、鎮定啲,希望佢食完之後可以
定驚,唔駛咁驚!!


 


材料:

瑪利餅 200

急凍榴槤肉
200

淡忌廉
400

椰絲 適量






- 先將餅乾放入膠袋內大致捏碎,之後用擀麵棍壓成麵包糠狀,備用。




-
榴槤肉解凍後用叉稍微壓爛成果蓉。




- 淡忌廉打發至九成企身,然後加入榴槤果蓉拌勻。




- 先將適量餅碎舀入容器內,之後舀入榴槤忌廉。




- 繼續以梅花間竹形式將材料舀入容器內,直至裝滿容器為止。




-
最後用適量椰絲灑面即成。





甜度啱啱好,唔會太甜。至於榴槤味,我同 Lily 都覺得已經夠哂,
Winnie 就覺得仲未夠濃!





急凍榴槤肉係 Winnie 買返嘅,係 D24 ,賣 $100 / kg,聽落
好似好貴,但你
諗吓,係完完全全淨榴槤肉,唔計榴槤殼㗎,
而且買滿
$200 仲可以免費送貨到府上,真低抵到爛,
所以我就同佢洽購咗
500






Notes


-
由於榴槤肉已經有一定甜度,所以毋需額外加糖。


-
惹榴槤肉太濃稠的話,可酌量加小小水攪拌至軟身,但切勿加水太多,會令到餅碎受潮而變腍。


-
榴槤肉與淡忌廉份量比例可依個人喜好調節。





P.S. 
噚日係媽咪生日,每年到咗呢個時候,Winnie 例必會陪我一齊去探媽咪,星期日佢過嚟時仲專登買定紮玫瑰送俾我媽咪㖭!



玫瑰花顏色非常之靚,仲開得好燦爛
㖭!





我將佢分成兩份,一半放喺屋企,另一半就
噚日帶埋過去探媽咪。


2012年9月9日星期日

班蘭蛋糕

早一、兩個月前,老竇個 friend 一早 order 9 月要個班蘭蛋糕做生日蛋糕,星期五晚已經起咗貨喇!




上次整個黑森林時,因為天氣太熱,抹
cream 抹到嗌哂救命,一路抹
就一路瀉,就算
喺屋企整到靚靚,到拎出街都好危險,所以今次
叫老竇同個
 friend 講明唔會 cream,好彩對方
都唔太鍾意食
cream啫!







話就話唔抹
cream,但就為
咗個 decoration諗爆頭,好彩依家
出到嚟個效果都唔錯,都幾吸引呢!


2012年9月4日星期二

和風豆腐沙律

又嚟整沙律喇!今次試吓自己攪攪陣,整個日式風味嘅沙律先。

 



材料:

豆腐

青瓜

中華沙律

酸子薑



木魚花



 



沙律汁:

日式柚子醋

日式芝麻醬

浸子薑醋



 



- 豆腐汆水,瀝乾後切粒;青瓜洗乾淨後開邊、去瓤,然後切粒。




-
沙律汁材料全部混合好。




-
將所有材料拌勻,之後再淋上沙律汁。




-
灑上適量木魚花,拌勻後即可享用。




準備好哂所有材料。







加埋沙律汁,一撈就食得!味道夠哂清新,最
啱依家天氣咁熱嘅時候食。






Notes

-
中華沙律即日式醃製海草,於日式超市或大型超市有售。




-
宜用實豆腐製作沙律,避免攪拌時將豆腐整爛。




-
調掣沙律汁時最好邊調邊試味,找出最合自己口味嘅份量比例。




-
如果想自製日式芝麻醬的話,請參考《自家製日式芝麻醬》。