2012年4月28日星期六

豆渣多士 Soy Bean Dreg Toast

    每年佛誕都必定會去浴佛,但係見噚日咁鬼大雨,諗住今日都唔出街喇,喺屋企自己做早課算數,所以就 plan 咗今日整包。點知無落雨不特只,搓搓吓麵糰時仲勁猛太陽 o添,咁整得包就行唔開 o架啦,激死!見咁好太陽,之前又落咗咁多日雨,唔好嘥咗啲陽光,即刻開機洗床單,咁都無我匿喺屋企唔出街。



 



    整完豆漿就自然有大量黃豆渣剩低 o架啦!今日就用佢嚟整麵包,即刻清咗唔少豆渣呀!









材料:
高筋麵粉   238
豆渣   80
    20
    4
即用酵母
  5
湯種
  78
    100 毫升

橄欖油     10



- 除橄欖油外,所有材料放入食物處理器內攪拌成麵糰,之後加入橄欖油搓勻。




-
拎出麵糰,放上已灑粉嘅枱上,繼續搓揉及摔打成光滑麵糰。




-
將麵糰滾圓,放入已灑粉嘅兜內,用保鮮紙包好,發酵 45 分鐘。




-
將麵糰排氣,平均分割成 3 份後再次滾圓,鬆弛 15 分鐘。




-
再次排氣,之後將麵糰分別捲起,放入多士模內,發酵至多士模嘅九成滿。




-
放入已預熱至 170 °C 嘅焗爐內焗 40 分鐘。




-
出爐後立即脫模並移到架上放涼。



 



以上材料份量可做 450






都唔知點解,每次發酵到一個鐘後,個麵糰就好似點咗穴咁,郁都唔郁,
再發多半個鐘個
size 都無乜點變,所以要整到頂角方包都真係幾難!





個包矮就矮咗啲,不過都焗得幾靚 o架!





包質非常好,老竇話個包煙煙韌韌,有少少彈牙 feel
呢個正正就係湯種
嘅特色。








Notes
- 豆渣可用現成品,亦可用自製豆漿後剩低嘅豆渣,但必須要預先煮熟,詳細資料請參考
  《
豆渣處理及保存方法
》。


-
請參照湯種白麵包多士製作湯種。


-
由於加入豆渣之後麵糰會變得較濕,所以要視乎實際情況調節水及油用量,而且搓麵糰時要
  不時加入適量手粉,以免過於黏手。


-
麵糰捲起做形方法與白麵包多士做法大緻相同。

打奶泡器

    各位 blog 友,佛誕快樂,阿彌陀佛!


 


    噚日整咗豆漿,今次卒之都記得喺未落糖前留番起少少,用嚟玩吓打奶泡。呀,唔係,應該係話打 豆漿泡至啱!




其實呢枝打奶泡器買咗好耐 o架喇,係之前「JUSCO $10 店」做 9 折時買落,
依家都已經變咗
$12 店囉!不過每次整好豆漿之後都淨係掛住飲,
完全無諗過要留番起嚟玩打泡。






嘩,好好玩呀,唔駛好耐已經打到好綿細嘅泡沫,而且又唔會好快消泡,
估唔到豆漿都可以做到呢個效果喎!自製無奶 cappuccino 都唔難呀!


2012年4月25日星期三

黑森林雪芳 Black Forest Chiffon

    Ryan 今年又有玩校際音樂節,本來諗住佢都應該 三甲 不入,因為今年佢好忙兼好懶,都無乜練琴,仲係咁多次比賽之中最唔認真、最唔投入嘅一次 o添!點知,居然俾佢攞到個第二名返嚟,佢梗係好開心啦,一離開會場就即刻問媽咪拎個電話,話要即刻同我報喜!


 


    之後,佢仲喺 Facebook 度寫咗段攪喊人嘅文字o添:


 


    關sir: 今日終於所有測驗和默書完畢了, 可以正正式式的跟你道謝. 幸好有你這個鋼琴老師, 如果不是你時常三翻四次地提點我整首歌演奏的技巧, 那裡要大聲, 那裡要細聲, 整首歌要好像操兵的拍子, 彈的時候好像操兵一樣, 結尾要起手要靚一點, 我真的有照著做, 評判宣佈結果前, 亦有講你所教我的彈法, 又一次証明, 我沒有跟錯老師, 今次我能夠拿到亞軍, 我知道沒有你我一定拿不到, 所以我真的非常感恩, 有幸做你的學生.所以這個亞軍也屬於你的.


 


    好啦,就整個佢鍾意食嘅朱古力蛋糕同佢慶祝啦!







可可雪芳蛋糕


 


材料:


低筋麵粉   45
可可粉     30
泡打粉    1 /2 茶匙
蛋白  5
他他粉     1
蛋黃   3

    80
橄欖油     30 毫升

    60 毫升


 


- 麵粉、可可粉同泡打粉混合,過篩 3 次;他他粉加入蛋白內混合好。



-
用電動打蛋器將蛋白打至起泡,分 3 次加入 60 糖,打至 8 成企身。



-
將打好嘅蛋白霜放入雪櫃內保存。



-
蛋黃打散,加入剩餘嘅 20 糖拌勻,之後加橄欖油同水混合好。



-
將粉類加入蛋黃混合物內,用打蛋器均勻攪拌成麵糊。



-
1 / 3 份蛋白霜加入麵糊內拌勻,然後將剩餘嘅蛋白霜加入,用膠刮輕手拌勻。



-
將麵糊倒入模內,放入已預熱至 180 °C 嘅焗爐內焗約 30 分鐘。



-
出爐後立即將蛋糕模倒扣,攤凍後即可脫模。


 


 


裝飾


 


材料:


甜忌廉     140
櫻桃酒     1 茶匙

酒漬櫻桃   適量
朱古力碎   適量


 


- 甜忌廉用電動打蛋器打至 9 成企身,之後加入櫻桃酒拌勻,備用。



-
蛋糕上下切開兩份,將少量甜忌廉抹喺下層蛋糕面,放上適量酒漬櫻桃。



-
於櫻桃上面再抹上適量甜忌廉,然後將上層蛋糕放上。



-
將剩餘嘅忌廉抹上蛋糕表面,再灑上適量朱古力碎即成。




以上材料份量可做直徑 17 厘米蛋糕一個。






整黑森林有度好,就係即使抆 cream 抆得唔好,都有朱古力碎遮醜!





黑森林蛋糕簡直係蛋糕中嘅經典。





Ryan 一個鼓勵,希望佢繼續努力學好鋼琴!





叫埋妹妹 Rylie 一齊影相先!妹妹大個咗好多,依家好識擺 pose 影相呀!






Notes


- 由於可可粉會令到蛋白霜消泡,所以加入他他粉以增強蛋白霜嘅穩定性。



-
他他粉用量參考:每 5 隻蛋白就加 1 他他粉。



-
可可粉亦同時會影響到麵糊膨脹,因此加入泡打粉幫助膨脹。



-
如果用淡忌廉代替甜忌廉的話,需額外加人 15 - 20 糖打發。


 


 


P.S.  上年三個學生比賽,三個都攞個 哽頸四返嚟,今年都有三個學生比賽,三個都不約而同拎到第二名,照咁推斷,下年應該都有三個學生比賽,三個都拎到冠軍,yeah!!!  ( 發夢 -ing )


2012年4月23日星期一

經典朱古力蛋糕 ( 咖啡味 )

    今次個飯後甜品又係我至拿手、至鍾意食嘅經典朱古力蛋糕呀,已經隔咗好耐無整喇!





蛋糕充滿住濃郁嘅朱古力,每一啖都十分滋味。









今次個蛋糕做得好滿意,裂面收腰得好靚。



 




今次仲特登加咗咖啡粉落去整,味道更加香濃,
係一個
mocha classic chocolate cake 哦!




過往整過不同口味嘅經典朱古力蛋糕:
橙香經典朱古力蛋糕

經典薄荷朱古力蛋糕

士多啤梨經典朱古力蛋糕

香蕉經典朱古力蛋糕


黃薑雞湯


    噚日去教 Ernest,佢媽咪話特意等我嚟煮個黃薑雞湯俾我試試,但可惜噚日係初一,我要食齋,於是 Ernest 媽咪就搵咗好多個膠盒,將湯同料分別入盒儲存好,等我可以拎返屋企今日先飲。無端端因為我唔食熏要麻煩到佢,真係唔好意思呀!



雞湯真材實料,除咗有鮮黃薑同雞之外,仲有豆腐卜、
芽菜、粉絲、椰菜、青檸汁同辣椒,味道非常好,
好有地道東南亞風味。






Ernest 媽咪話俾我聽,呢個雞湯除咗可以補身之外,
大馬人多數都會飲呢個湯嚟驅風 o架!






自己再加多個炒飯,咁就好快手攪掂咗個晚餐喇!





每次整叉燒我都必定會留起一半用嚟炒飯,今次都唔例外,仲學咗
Motonako.A 咁加埋生菜絲一齊炒,除增加清爽口感外,
又可以有多份蔬菜食,咁就唔駛額外再灼菜啦!

2012年4月19日星期四

親友們的手信

   呢個復活節假期真係有好多日紅假,我睇見就真係激死,事關我係唔會去旅行之餘,仲無得教學生,今個月人工少好多呀!!!


    不過,身邊有好多人都出咗埠,所以呢期收到唔少手信呀呢!





呢啲係老竇個 friend 去完泰國買俾我哋嘅,有乾脆蝦辣醬、
胡椒粉、勁辣原隻脆蝦乾同魷魚絲。






    Ernest 一家就去咗紐西蘭探親,佢爹啲媽咪就買咗好多蜂蜜產品。唔講都唔知,原來 Manuka 係有分度數嘅,我呢樽係 5+ 度。另外包係 Manuka 蜜糖檸檬糖,因為加有蜂膠製造,所以一日唔可以食超過 5 粒喎!Ernest 爹啲話呢隻糖好掂,每次突然間咳到停唔到的話,食一粒即刻見效,佢話最啱就係聽 concert 時用,避免尷尬情況發生。順帶一睇,原來三處以下小朋友唔適宜食蜂蜜產品,因為好易會產生敏感,嚴重的話可導致氣管收縮而窒息,所以大家要留意呀!





    Lily 呢幾個禮拜就已經去過兩個地方,之前去關島參加好友婚禮,順道買咗包夏威夷果仁咖啡俾我。早兩個禮拜就跟公司同事去咗聖地行苦路,呢樽初榨橄欖油同無花果乾就係佢送俾我嘅手信喇!


   

   因為我自己唔太好去旅行嘅關係,長期都只會收人手信,自己就無手信送俾人喇,所以我多數都係用自家出品做回禮呀!今次輪到整咩好呢? 

西檸煎軟雞

    前幾日整完個藍莓檸檬蛋糕之後,用剩咗大半個檸檬,除咗用嚟沖檸檬茶之外,噚晚就用咗嚟整西檸煎軟雞。





因為噚晚八點幾九點先放工返到屋企,要快快手煮好俾老竇食,
所以唔攪咁多喇,無蘸到蛋漿同上粉,就咁用
LC grill pan
煎熟佢就算數,再煮埋個汁就即刻食得。





可能因為無蘸到蛋漿同上粉將雞皮煎到脆卜卜嘅關係,
老竇話今次啲雞肉好鬆軟喎!







要清檸檬、清吉士粉,整呢個餸簡直係不二之選!


 



要食譜的話,請移玉步,睇番之前篇《西檸煎軟雞》啦!

西檸煎軟雞

        前幾日整完個藍莓檸檬蛋糕之後,用剩咗大半個檸檬,除咗用嚟沖檸檬茶之外,噚晚就用咗嚟整西檸煎軟雞。


2012年4月18日星期三

翠玉瓜薯仔蝦沙律

    天氣開始暖番啲,可以整沙律食喇!今次用上翠玉瓜、蘋果、牛油果、薯仔同蝦嚟整沙律,對我嚟講係新嘗試、新配搭。






    呢份就係我前日 lunch,有蔬有果又有肉,夠哂健康吧!






第一次用翠玉瓜做沙律,又爽又甜,好好食,加
balsamice vinegar dressing 做沙律汁,比起用
mayonnaise 更加清爽健康。
   




一碗沙律,一個裸麥餐包,加一杯咖啡,叉足電就出去教琴喇!





Salad dressing 做法,可參考意大利陳醋沙律汁

2012年4月15日星期日

藍莓檸檬蛋糕

    之前整嘅檸檬醬原本係諗住用嚟整檬檬批,但係一路擺喺雪櫃度都無興致郁手整,皆因始終都係覺得個醬有 牛油味,唔係好頂得順,如果用嚟整檬檬批的話,咁就真係死得人多囉!皆因檬檬批其實係啖啖檸檬醬放入口食咁滯!


 


    查實我買呢隻牛油,對大部份人嚟講,都會覺得乜味都無,成品完全無牛奶香味,但係我都係覺得 “un--kable” 囉,所以都係等下次試用橄欖油整,睇吓成唔成功,如果成功的話先再整檬檬批啦!


 


    咁呢樽檸檬醬就用嚟整蛋糕罷喇!




其實呢個蛋糕同上次整嗰個檸檬醬罌粟籽蛋糕係同出一徹,
只係加重檸檬醬份量同落
咗藍莓去整。






早排喺超市見到藍莓做特價,唔駛 $10 盒,仲非常新鮮、
非常大粒,咁就即刻買咗兩盒。








蛋糕係整嚟帶番中心請 Miss Cheng 同埋其他同事食嘅,
用紙杯整幾好,一人一個,夠哂方便。







反正都整開個麵糊,梗係一次過整多啲,留番條俾自己食嘛!








今次加咗藍莓一齊整,當然更加 yummy
啦!





2012年4月11日星期三

薑汁柚子雞翼


    呢碟雞翼又係好似 macaron 咁,屬清貨之作!


 


    之前整嘢磨多咗好多薑汁用唔哂,咁我不嬲都係個慳家孤寒財主嘛,咪用樽裝起放入雪櫃囉,點知又試老人癡呆發作,完全無咗件事喎!!!!好彩啲薑汁唔易變啫。之後整完柚子豆沙餅,柚子茶所餘無幾,咁啱樽日本柚子醋同麥芽糖又用到撻底喇,咁就順勢將呢四樣嘢整埋一齊囉!





材料:
雞中翼


 


醃料:

雞粉
薑汁
老抽
柚子醋


 


調味料:
柚子茶
麥芽糖


 


- 雞翼洗乾淨,用抹手紙索乾水份,放入已拌勻嘅醃料內醃兩個鐘以上。



-
燒熱油,用中慢火將雞翼煎至兩面金黃,盛起。



-
調味料加剩餘醃料汁倒入鑊內煮熱,將雞翼回鑊。



- 冚上鑊蓋將雞翼煮熟,汁料收乾後即可上碟。






好滿意今次煎嘅雞翼,隻隻都好金黃,上色均勻。






味道唔錯,不過下次要落番多少少柚子茶,再甜少少會仲好味。




Notes
-
麥芽糖可預先座熱水軟化,會更容易勺出適當份量。



-
若果無醃料汁剩的話,可以直接加入適量清水,但要酌量加鹽、雞粉調味。



- 雞翼煮熟後但仍然有大量汁料剩的話,可以用大火收乾水份,或用粟粉水埋薄芡。

2012年4月9日星期一

柚子豆沙餅 Yuzuann


    呢幾日紅假喺屋企真係好充實,日日都整嘢食,幾乎都無乜點真正休息過!


 


    噚日等緊 macaron 焗乾嘅時候,我都無偷懶 o架,繼續煮日式紅豆餡,準備今日要嚟整呢個柚子豆沙餅。


 


    噚日整完洋菓子,今日又整和菓子,你話我係咪癲 o架,放假都唔吓!!!








紅豆蒸糕


 


材料:
紅豆餡    250
低筋麵粉
20
片栗粉
   4
   30
   少許

熱水 3 湯匙


- 將紅豆餡、麵粉、片栗粉同放碗中,用手指搓至完全混合為止。

-
糖、鹽用熱水溶解,之後倒入紅豆麵粉混合物內拌勻。



-
麵糊倒入模內,用大火蒸 15 分鐘,待用。


 


 


柚子山藥蒸糕


材料:
山藥   50
    90
    50 毫升

上新粉     50
蛋白   1 / 2

蜜糖柚子皮   適量


- 山藥去皮,洗淨後切粒,放入攪拌機內打碎。

-
80 糖分 3 次拌入山藥內,然後逐少加水拌勻,再拌入上新粉。



-
將剩餘嘅 10 糖加入蛋白內,用打蛋器拂打至起泡。



-
蛋白倒入粉糊內,拌勻後倒入紅豆蒸糕之上,蒸約 5 分鐘。



-
將已剪碎嘅蜜糖柚子皮灑上糕面,再蒸約 5 分鐘至熟透凝固即可。



-
放涼後切件享用。


 


以上材料份量可做 19 厘米 X 9 厘米 X 6厘米蒸糕一底。


 


食譜出自小松本太太嘅《日式和菓子》。









前日整炒鮮淮山時,特登留起適量鮮淮山嚟整呢個和菓子 o架!






下層嘅紅豆糕味道當然唔會陌生啦,但係上層嘅山藥蒸糕就從未試過喇,
兩者嘅味道夾埋真係好新鮮、好特別。






Notes


- 若想自家製作紅豆餡,請參考日式紅豆餡做法。



-
片栗粉及上新粉可分別用粟粉及粘米粉代替。

蜜糖柚子皮係取自柚子茶。



- 製作柚子山藥蒸糕時,我只係加入 60

抹茶馬卡龍 Matcha Macaron


話說近排經常整布甸,而整嚫布甸都一定會用到一至兩隻蛋黃,咁即刻話,會有蛋白剩啦,依家冰格都儲咗差唔多十隻蛋白喺度,係時候要清倉啦!


 


另外,好耐之前買落包假白朱古力到依家都成包喺番度咁滯,每次做裝飾都只係用得嗰少少,都唔知幾時先用得哂!如果係好食的話,咪就咁食咗佢算數囉,弊在佢又勁甜、勁難食喎,真係都唔知點處置好。突然間諗起本洋菓子食譜有教整一個 macaron 係用白朱古力嚟做餡,咁就真係好到加零一喇,因為不但可以幫手纖滅咗啲假白朱古力,仲同時間幫手清一清蛋白,真係一舉兩得,正!


 

    所以,呢個 macaron 可以話係清貨尾之作呀!!



 

抹茶朱古力醬



材料:
抹茶粉     1 / 2 茶匙
熱水     1茶匙
白朱古力   40
淡忌廉     30毫升


- 抹茶粉用熱水開勻;朱古力切碎後,連同其餘材料倒入容器內隔水加熱。

-
攪拌至朱古力完全溶解後,移離熱水攤凍,放入雪櫃雪至凝固。


 


 


抹茶馬卡龍



材料:
杏仁粉    42
抹茶粉
   3
糖霜
70
蛋白
35
   15


- 杏仁粉、抹茶粉同糖霜過篩,備用。

-
蛋白用電動打蛋器打至起泡,之後將糖分 3 次加入,打至 9 成企身。



-
將粉糖混合物倒入蛋白霜內,用膠刮拌勻及輕輕按壓。



-
當粉糊變得柔滑並出現光澤時,就可以停止攪拌。



-
將粉糊裝入唧花袋內,之後喺已墊牛油紙嘅烤盤上唧出粉糊。



-
靜置一旁,直到粉糊表面變得乾爽不黏手為止。



-
將焗爐預熱至 200 °C,之後降至 170 °C,放入粉糊焗 2 分鐘。



-
打開爐門降溫,並將烤盤前後掉轉,用 130 °C 5 分鐘。



-
當裙邊出現之後就用錫紙鋪上烤盤面,繼續焗多 20 – 25分鐘。



-
出爐後小圓餅直接於烤盤上攤凍,之後搽上抹茶朱古力醬即成。



以上材料份量可做直徑 4 厘米小圓餅約 8 個。


 


食譜出自福田淳子嘅《我愛和風洋菓子》。








將一張已畫有圓圈嘅紙墊喺牛油紙下面,方便唧出大細相若嘅形狀。
你睇,我真係唔係好識揸唧袋 o架,唧到鬼五馬六!





對於個焗爐嘅 40 °C 發酵功能,小弟真係非常讚賞,除咗冬天整麵包時
唔駛等發酵等到頸都長之外,將盤馬卡龍粉糊放入去焗十零分鐘,
表面已經乾哂,一啲都唔黐手,以後都唔駛怕潮濕天氣
整唔到
macaron 喇!





嘩,居然全部都焗到有裙邊喎!雖然唔係太靚,但我已經好滿足喇!





一邊食住抹茶
macaron,一邊歎杯 Winnie 喺日本帶返嚟嘅綠茶,
簡直係絕配啦!






Notes


- 原食譜有加入 1 / 2 茶匙乾燥蛋白製作蛋白霜以增加穩定性。



-
食譜中提到,按壓蛋白霜可以使其發泡一致,此步驟叫做 macaronage



- 烤盤上鋪上錫紙可以避免烤燶餅面。