全麥罌粟籽餐包

       早排咁鬼凍，真係完全唔想郁，更加唔想濕手洗嘢，所以不事生產咗一排，見噚日天氣暖番好多，即刻開爐，除咗整蛋糕之外，仲整埋麵包㖭！

 

       今次終於成功做到呢款造型，之前其實都試整過幾次，但次次都失敗，麵糰之間硬係有虛位，後來 blog 友 Allie 話我知原來一定要放入個模度發酵先得，可能係要迫住個麵糰向內發展，唔可以向外肆無忌憚咁膨脹啦！

 

 

高野豆腐 & 爽脆紫菜

        年尾時「AEON」超市又做九折，我當然有去入貨啦！今次買多咗一樣我估都估唔到嘅食材 ……

 

 

10 分鐘煲粥

        講開煲粥，好耐之前喺網上已經睇到有網友分享用 10 分鐘就煲好粥，當時我都半信半疑，但因為我一向都唔太好食粥，一年最多都係煲兩、三次，所以一直都無試過呢個方法，就趁呢日試試先！

 

        其實方法都好簡單，只需將米洗乾淨，之後放入容器內蓋好或放入膠袋內，放上冰格，將米粒雪到結冰。煲滾水後，將結冰米粒直接倒入滾水內，煮 10 分鐘就攪掂。

 

        原理係當米粒雪至結冰時，水份體積會膨脹，將米粒撐開，產生裂紋，之後當加入滾水時，因熱脹冷縮嘅關係，米粒好快就煮到爆開成米花，從而大大縮短時間煲成粥。

 

 

鯪魚肉蝦乾蘿蔔糕

        卒之都到我整蘿蔔糕喇！今次跟咗仙姐個食譜整鯪魚肉蝦乾蘿蔔糕。

 

        舊 blog 友如果有印象的話，會記得我屋企習慣初七人日煲粥煎糕，雖然媽咪已經唔喺度幾年，但我都照樣咁做。

 

        仙姐呢個食譜唔錯，用煎鯪魚肉整嘅蘿蔔糕比起一貫用臘味整嘅，口味比較清爽，無咁油膩、無咁滯，而且質地啱啱好，唔會太實，又唔會太削。不過可能因為我食慣淡味，覺得味道比較濃，我整咗 3/4 個食譜份量，照道理應該用 1 1/2 個「濃湯寶」，但我已經只係用 1 個份量都覺得有點鹹呢！

 

薑味杏仁曲奇 Ginger Almond Cookies

        係呀，又整曲奇喇！呢次都係用嚟送禮。早前同葉太喺餐廳食 tea 時，佢叫咗杯類似叫做薑汁奶茶物體，我問佢好唔好飲，佢話好正，好夠薑味，咁我就知道佢原來好鍾意薑，所以特別整咗呢個薑味曲奇，趁佢返加拿大之前送俾佢兼同佢拜年。

 

        今次參考咗 Tony Wong 個朱古力杏仁曲奇食譜嚟整，效果都唔錯，質地鬆脆，但我自己就略嫌薑味唔多夠，薑粉用量都仲可以再增加。

 

 

馬年第一爐

       年初一煮齋用剩咗啲紅蘿蔔，留番起佢，今日用嚟整 carrot muffin。

 

紅莓榛子燕麥曲奇

        帶去老表家嘅曲奇又係久未露面之作，之前都已經整過好多次，個個都讚好食，所以對呢個食譜都好有信心，就算整其他味道款式時，我都係用佢做個 base 再加以變化。

 

 

馬年新春

恭喜發財！

恭祝各位：

新春快樂，身體健康，

萬事如意，心想事成！

Muffin & Scone

        之前無時間整 scone，趁前兩日比較得閒，快啲郁手整番幾件嚟伴南瓜橙醬一齊食。反正都開爐，唔好嘥資源，一次過焗埋 muffin，今次又再整番好耐之前嘅番茄火腿粟米 muffin，不過呢次用咗大半辣椒油代替橄欖油去整，超正呀！！

 

 

 

久未露面的 mushroom risotto

        好耐無煮呢個 risotto 喇，因為之前用哂啲牛肝菌，但又一直約唔到 Louisa 做交收，所以無得煮囉！直到上個月，卒之到手喇，噚晚就煮嚟做晚餐。

 

今次呢隻牛肝菌勁香，即使浸透後再煮一段時間，

食落都仲好有菌香味哦，而且價錢又唔太貴，抵！

做法請參考《雜菌意大利飯》。