發酵籐籃

        早前 Louisa 佢妹妹去台灣，咁佢就搭個妹買個發酵籐籃返嚟，一買就買咗兩個，佢話俾一個我，咁我梗係話唔要啦，咁貴一個，喺香港，閒閒哋都要二、三百蚊一個，點知佢話，係就係二、三百蚊個，不過係台幣囉，維起港紙都係大約四十零蚊個咋！吓，唔係呀嘩，平到咁，真係眼都突埋！！

        喺呢個角度睇，你哋話覺得似乜呢？話說 Louisa 個妹搵咗好耐都搵唔到，佢又未見過個樣，於是就打電話返香港問 Louisa：「我搵咗好耐都搵唔到呀，究竟係咩樣 o架，係咪成個 "蚊香" 咁o架？」Louisa 就答佢：「係呀，咪就係成個蚊香咁囉！」自此，我同 Louisa 就叫個發酵籐籃做蚊香喇！