2013年10月11日星期五

蠔豉黃耳燜蘿蔔

          正所謂冬食蘿蔔夏食薑,秋涼後就開始多食蘿蔔,唔知係咪因為白蘿蔔秋冬當做呢,近排買到白蘿蔔特別多水、特別甜。 
 
        今次我就整燜蘿蔔,用咗冬菇、黃耳同蠔豉去燜,蘿蔔燜到入哂味,加埋本身嘅清甜,勁好味呀!
 
 

材料:
冬菇
黃耳
枝竹
蠔豉
白蘿蔔
蒜子
八角
月桂葉

調味料:
紹酒
蠔油
老抽

瑞士汁
濃縮雞汁

麻油
 
- 冬菇同黃耳用水浸發至軟身,剪去硬蒂、洗乾淨,黃耳汆水後過冷河,備用。

- 枝竹浸軟後洗乾淨後切段;蠔豉洗淨;蘿蔔刨皮後切件。

- 燒熱油,先爆香蒜子,之後加入蘿蔔兜炒,灒酒。

- 將其餘材料加入,倒入適量清水及調味料,兜勻。

- 大火將汁料煮滾後轉中慢火,繼續燜至所有材料熟透腍身即可。

- 灑上麻油兜勻後上碟。
 
 
 


整燜餸真係容易又方便,做好哂前期洗洗切切
功夫後
一鑊熟 就攪掂。

 
 
 
 
 
 


又用蠔油,又用瑞士汁,又用濃縮雞汁去燜,加上我用
瑞士汁係已經煮過幾次雞翼,想唔好味都幾難囉!

 
 
 
Notes
-
將黃耳汆水可去除 味。

- 枝竹可以遲些少先加入,因為煮得太耐會易爛。 
 
- 燜好之後,若果剩餘好多汁料的話,可用大火煮至收汁或用粟粉水埋薄芡。

20 則留言:

  1. 我最愛"一鑊熟",方便加快靚正!^^

    回覆刪除
    回覆
    1. 係呀,尤其個人好攰,唔想攪咁多嘢時,就自然會諗到同食材一齊攬住一鑊熟!哈哈哈哈!!!

      刪除
  2. 呢味好正呀,不過黄耳要浸好耐先浸得透,我幾鐘意它的"桂花味"喎,點解您話"噏"味嘅?

    回覆刪除
    回覆
    1. 係呀,我浸咗成個幾兩個鐘先完全浸透呀!

      我成日都覺得大部份菇菌類都有 "噏" 味,而呢個黃耳就有少少酸味!

      刪除
  3. 今年的白蘿蔔真的又甜又多汁, 我地四季都有得吃。

    回覆刪除
  4. 回覆
    1. 嚴格上嚟講都唔算係素菜嘅,因為有蠔豉,不過真係好好味呀!

      刪除
  5. 上星買果兩條都你又甜又嫩!

    回覆刪除
  6. 嘩.....呢個餸真係唔簡單 , 好正 , 我覺得支竹同蘿蔔最正!!!!

    回覆刪除
    回覆
    1. 謙盈媽媽,妳好醒呀妳,蘿蔔同枝竹索哂味係最好食㗎!

      刪除
  7. 你搬晒屋未呀?
    跟Tony嘅方法加埋小友幫拖攪掂,係差D相要re-size返!

    回覆刪除
    回覆
    1. 攪掂哂喇,妳睇,我個 blog 裝修過哂正式重新營業喇!

      係囉,最煩係啲相!

      刪除
  8. Hi, 假期~過得開心呀! 來睇妳整好野呀!

    回覆刪除
  9. 回覆
    1. 係喎,冬天用煲仔熱辣辣上真係唔錯喎!

      刪除