2013年10月7日星期一

秋風起 ……

          秋風起做乜好?食蛇羹?好多年無食過喇;食臘味糯米飯?又好似早啲喎,依家都仲算係熱喎!
 
        從中醫學角度去睇,秋天應該開始調理好身體,裝備好自己,準備入冬。夏天嘅時候真係好少煲藥材湯飲,多數都係煲瓜果湯、袪濕湯之類,依家天氣涼咗好多,喺時候 進補一下喇!
 

媽咪臨走之前,應承過佢以後要好好照顧自己,
所以哩幾年
嚟我都甚少出街食,就算幾
攰都好,
都會自己煮飯、煲湯、整麵包,
盡量少食街外
嘢!
 
 
 
 
 
 
 
其實我都唔係太懂得運用藥材,都要慢慢學習,呢次就用咗
好輕可
嘅藥材,蓮子、茨實、淮山同紅棗,加埋雪耳、
姬松茸、猴頭菇同瘦肉一齊煲,超平民化藥膳,
學媽咪話齋,真係太子都唔怕食壞呀!
 
 



16 則留言:

  1. 材料無話是否平民 or not, 總之自己煲好過去飲例湯。

    回覆刪除
    回覆
    1. 咁有錢人會煲埋哂啲蟲草、花膠、燕窩嘛,相比起上嚟,我呢啲咪平民化好多囉,嘻嘻!

      刪除
  2. 懂得養身保護自己係最重要的,要愛自己呢,我愛素湯,留碗俾我呀

    回覆刪除
    回覆
    1. 一定留俾妳啦!使唔使到妳攪掂好哂所有嘢之後再煲湯俾妳補吓呀?

      刪除
  3. 前幾日我屋企都煲咗猴頭菇湯呢~~

    回覆刪除
    回覆
    1. 我好鍾意用猴頭菇煲湯,夠香之餘,又鍾意食。

      刪除
  4. 您都幾識補養喎,哈哈!

    回覆刪除
    回覆
    1. 唓,呢個咁小兒科,其實都唔補得去邊啦,哇哈哈哈!!

      刪除
  5. 亞媽嘅話一定要聽,佢都係想子女好啫。

    回覆刪除
    回覆
    1. 係呀,所以佢依家唔喺度就要學識自己調理自己身體囉!

      刪除
  6. 你好乖仔,愛自己即是愛家人,你媽媽一定感到安慰^^

    回覆刪除
  7. 回覆
    1. 其實我都有諗過落北芪、黨蔘、杞子之類藥材,但我怕啖湯會太濃太甜,因為我唔多 buy 一般人鍾意嗰種濃甜湯水,我比較喜歡清清哋,所以留番下次配其他食材一齊煲囉!

      刪除
  8. 材料冇分平唔平民, 最緊要有益.

    回覆刪除