2013年11月17日星期日

日韓食材

        前兩日收到「AEON」個電郵,超市依家正係做緊韓國食品節,見到用開嗰隻韓國辣椒醬好平,只係賣 $30 ,一於去入貨!
 
咗盒「大象」韓國辣椒醬後,轉過身,又見到呢隻韓國
粉絲,
$17 / 500g,平過我食開嗰隻,又買包試試先。
 
 
 
 
 
 
睇過電郵後,另一個目標就係呢隻急凍蠔,只係買 $32.9
去到原來仲有得試食㖭,真係好好食,嫩滑得
仲好有蠔
嘅鮮味,果然係食蠔有蠔味呀!
所以都有好多人買。






而且我仲揀到兩包啲蠔超大隻,每隻都差唔多有兩個
兩蚊銀咁大。
啲再同大家分享一下點整啲蠔。



        原來「SOGO」又做緊感謝周年慶減價,咁啱噚日返 Miss 中心前早咗好多到達銅鑼灣,見又差唔多開門,就周圍行一陣,兜個圈再入去睇睇。點知去到超市都已經迫爆哂人,個個都好似唔使錢咁搶,真係迫到行都行唔到,有個仲犀利到將件貨離遠凌空掟俾負責推手推車嘅親友,完全唔顧其他人安全!!
 
 

啲日本南瓜又真係幾抵,平時見到咁大個分分鐘買成五、六十蚊,
依家減到 $32.2 再九折,即係 $29。其實都有好多貨喺度
任揀,多到成座山咁,但啲人都仲係慌死蝕抵
咁狂搶,大部份人都買到成車都係南瓜,
係我一個只係買得一個咁少。






其實啲嘢都唔係真係好平,因為佢本身都標價貴嘛,所以我就
無乜嘢好買,係見到呢枝「
BB」蛋黃醬減到 $27
,比起
AEON」隻自家品牌仲要平,就拎咗枝囉!
 
 
 
 
 
        好彩我只係買得咁少嘢,可以去 5 件貨以下快線俾錢,一早開門 cashier 嗰度都勁繞蛇餅,俾錢都有排排隊,真係人都癲!!兩間公司都做 promotion 到下個禮拜日,有嘢要買嘅就趁呢個禮拜去喇!

18 則留言:

  1. SOGO貨係比普通超市貴的 , 同一牌子都貴人地好多 , 所以我好小去SOGO買野 ,
    你買果種蠔我都買過黎食呀 , 唔洗解凍用小小有味粉拌勻拎去煎香 , 真係好好食架!
    煎好一定要趁熱食 , 凍佐無咁好食 .

    回覆刪除
    回覆
    1. 咪係囉,都唔知點解咁多去搶!

      係呀,試食個阿姐都係話用味椒鹽醃咗就拎去煎,我試食嘅就係咁整,好正!

      刪除
  2. 依家多咗一批強國人嘛,嚟緊沙田某日式百貨又準備大減價,
    沙田火車站又好似走難咁,返屋企都要運路行呀 ( ̄. ̄)

    回覆刪除
    回覆
    1. 嘩,咁慘!?

      啱啱喺 Facebook 度睇到有條片,係「SOGO」一開門時嘅景象,啲人好似一下子決堤咁湧入店內,好恐怖呀!!!

      刪除
  3. 回覆
    1. 哈哈哈哈 ………… 走難係盡量帶少少重要物品,依家係由零變到勁多囉,成車都係南瓜,匿入防空洞都有排食!!!

      刪除
  4. 要咁逼法我寧願唔買喇!

    回覆刪除
    回覆
    1. 係呀,如果唔係咁啱返工前早到好多,我都真係啋你都傻!!

      刪除
  5. 一諗起有好多人就唔想去, 真係好怕迫. 我平時都會放一包廣島蠔係屋企看門口...煮麵食放兩隻都好正.

    回覆刪除
    回覆
    1. 旺角、銅鑼灣、荃灣、灣仔都唔會見到妳哦!

      嘩,雪兒妳咁識歎呀!

      刪除
  6. 我都岩岩去左AEON, 睇唔到D蠔TIM!!過兩日去多次先!!

    回覆刪除
  7. 回覆
    1. 其實平時我都唔會去,因為知道貨品比較貴,係咁啱返工前早到先去睇一睇。

      刪除
  8. 水太太都好有興趣D急凍蠔呀,好似真係好抵呢﹗下次再減價留意下~~

    回覆刪除
    回覆
    1. 妳平時都可以去睇一睇個價,可能減價時都唔係真係平好多都唔定。

      刪除