2016年2月12日星期五

新春班蘭雪芳

        其實我自己一向都唔太 buy 雪芳蛋糕,因為覺得太軟身、太濕潤,唔係我杯茶,我始終都係比較鍾意磅蛋糕同 muffin texture,但唔知點解次次整嚫班蘭雪芳蛋糕,啲人都係極之欣賞同讚賞!咁重好,一來易整,二來輕身好多,拎出街都唔使咁重。
 
        所以今年就整嚟拎去老表家團拜。
 
 

材料:
班蘭葉                 6 – 8
低筋麵粉             80
蛋黃                     3

                        70
橄欖油                 30 毫升
班蘭汁及椰漿      合共 70 毫升
蛋白                     4

- 班蘭葉洗乾淨後剪碎,放入攪拌機內,加少量水攪打成班蘭汁。

- 將班蘭汁同葉碎過篩入容器內,放入雪櫃沉澱過夜。

- 用匙羹將面層較為清的水份撇走,留低下層比較深色嘅班蘭汁,待用。

- 麵粉過篩 2 次;蛋黃打散,加入 20 糖拌勻,之後拌入橄欖油。

- 加入班蘭汁,之後倒入椰漿補至 70 毫升,拌勻;篩入粉類,均勻攪拌成麵糊。

- 蛋白用電動打蛋器打至起泡,之後將剩餘嘅糖分 3 次加入,打成八成企身嘅蛋白霜。

- 先將 1/3 份蛋白霜加入麵糊內,徹底拌勻,然後將剩低嘅蛋白霜分次輕手拌入。

- 將麵糊倒入模內,然後喺枱面輕敲數下,釋出較大氣泡。

- 放入已預熱至 180 °C 嘅焗爐內焗約 30 分鐘,出爐後立即倒扣攤凍,之後脫模。

以上材料份量可做直徑 17 厘米蛋糕 1 個。



班蘭葉唔好打得太過碎,經驗話俾我知太細碎的話,
班蘭汁會好難沉澱分層,應該係因為葉
組織微粒太輕身,好難沉底。






用比較闊口嘅容器裝班蘭汁,會容易啲將面層水份撇走。






因為老表家係個大家族,人多世眾,所以我無好似平時
咁將個底切平到靚靚,怕唔夠咁多人分呢!






連兩位老人家都大讚好食,話夠軟熟,又唔會
鋪滿哂 cream,食落無咁膩。



7 則留言:

  1. 新年快樂! 班蘭蛋糕焗得好靚,我自己好鐘意食(^_-)有cream更加好食

    回覆刪除
    回覆
    1. 新年快樂呀謙盈媽媽!

      多謝妳讚賞呀,我見妳之前整過,仲靚過我呢個啦!

      刪除
  2. 我反而鍾意雪芳的質感。而且少糖少油。

    回覆刪除
    回覆
    1. 係呀,好多人都同妳意見一樣,只係我比較奇特,哈哈!

      刪除
  3. 我都係鍾意雪芳嘅口感。最梗要唔肥呀 XXD

    回覆刪除
    回覆
    1. 其實係我個人重口味啫! ^^"

      刪除