2016年3月18日星期五

韓國石鍋飯 Dolsot Bibimbap (돌솥 비빔밥)

        老竇買咗個石鍋返嚟幾年,都完全無咗件事,年年到咗天氣回暖時先記得又無整到韓國石鍋飯!趁呢個禮拜又凍番,快啲試整一次先!
 
 

材料:
冬菇
菠菜
青瓜
翠玉瓜
甘筍
蒜蓉
炒香芝麻
蔥花
雞蛋

- 冬菇浸發好之後去蒂、切片;菠菜浸洗後切成兩段。

- 青瓜、翠玉瓜洗乾淨;甘筍刨皮,全部切絲,備用。

- 燒熱油,爆香蒜蓉,之後加菠菜炒至軟身,加鹽調味後盛起瀝乾水份。

- 之後將其餘材料都分別炒至軟身,加鹽調味。

- 石鍋內用麻油搽勻,之後放上爐上加熱。

- 加入白飯,鋪上炒好材料,灑上蔥花及芝麻。

- 聽到石鍋發出吱吱聲時,即代表鍋身已經夠熱。

- 當所有材料都加熱後就可以,之後再加隻煎蛋放上面即成。
 
- 食時可加入韓國辣椒醬及韓國大醬調味,將所有材料拌勻即可。
 
 
所有材料炒好哂,到時放上飯面一齊加熱。
 





放好哂材料,最後加隻煎蛋就攪掂!
 





我覺得韓國辣椒醬係整個石鍋飯嘅靈魂,
無咗佢就完全失去應有風味!
 





石鍋保溫效果真係好,食到最尾都仲係暖㗎!
 
 
 
 
 
Notes
-
韓國人係用珍珠米煮飯,所以想正宗的話就記得用珍珠米。

-
冬菇處理方法可參閱《浸發冬菇方法》。

- 石鍋內搽油,除可達到防黏效果之外,仲可以做到有飯焦。


8 則留言:

  1. 我香港家都有一個韓國石鍋,又有一個韓國鐵板,各式各樣的古怪野都有。
    我鍾意食石頭鍋飯,不過懶整,切配料都幾花時間呢。

    回覆刪除
    回覆
    1. 係啦,我都係最怕切粒、切絲、切條,又悶又攰!

      刪除
  2. 回覆
    1. 妳加塊金屬板上電磁爐先放上石鍋,應該 OK 喎!

      刪除
  3. 我都幾中意食石鍋飯架,夠晒暖!你整得好似樣~~

    回覆刪除
    回覆
    1. 其實都好難唔似樣喎,總之所有野放哂落去就係囉,哈哈!! XD

      Anyway 多謝妳欣賞! ^^

      刪除
  4. Kestrel, 我屋企唔係用明火,冇得玩石頭鍋飯

    回覆刪除
    回覆
    1. 我見過有人放焗爐內加熱!

      如果係用電磁爐的話,聽過話可以先放上一塊金屬板通電產生熱能,之後再放上不導電廚具都可以呀!

      刪除