2016年4月26日星期二

素烤鴨沙律

        近排其實無乜動力做嘢,乜都唔想做,連瞓都唔想瞓。但唔煮又無得食,尤其係夜返嘅時候,隔夜餸就變得好珍貴,唔使煮,翻熱就即刻可以食,所以習慣咗一餐煮埋兩餐食,幾唔想整都係要整!
 
        好彩天氣開始熱,買啲生果蔬菜整沙律都可以,只需要洗洗切切,唔使開火煮食已經慳番唔少功夫,連鑊同煲都唔使洗!整緊蔬果嘅同時,放件素烤鴨入焗爐焗到個面脆卜卜,之後再灑上焗香咗嘅花生同椰絲,攪掂,好好醜醜又一餐!
 
 
我成日都覺得,即使係食隔夜餸,點差極都唔差
過出街食垃圾、食致癌物啩!






話就話係素烤鴨,但煎或焗香脆個麵筋表面,食落口
個口感同味道都真係似燒豬多啲,就算係齋舖、
佛寺同道觀,都一樣用佢嚟做素乳豬。






話明係沙律,當然個沙律汁先係最重要啦,
無咗佢,咪即係食新鮮蔬果!
 
 
 

10 則留言:

  1. 加油! 我最近就充滿動力,個人好開心,可能放完個大假掛。

    回覆刪除
  2. 簡簡單單一樣可以美味方便呢~~加油^^

    回覆刪除
  3. 呢排D天氣係令人好煩悶呀,我都係,但見你今日煮D咁清新嘅沙律,立時醒哂神呀,大家努力!加油!

    回覆刪除
  4. Kestrel, 加油 (其實都係同埋自己講) 所以近排都少煮! 煮啲顏色繽紛嘅餸,會令人有精神

    回覆刪除
    回覆
    1. 多謝 cici,大家一齊加油呀!! ^^

      刪除