2010年1月30日星期六

送俾 Michelle 嘅新居入伙曲奇

        之前我咪話禮拜一果日由朝到晚都匿喺個廚房度做到無停手嘅,點解我要咁 "犯賤,攞苦嚟辛" 呢?


        原因係因為學生 Michelle 最近搬咗屋,我又唔知買乜俾佢哋做入伙禮物好,如果開口問佢哋想要乜,我知道答案係問咗都等於無問,所以都係慳番唔問口問!坦白講,今次佢雖然係細屋搬大屋,並無 "唔見一籮榖",但其實唔係一件值得開心嘅事,所以我就突然間諗到不如送盒自家製嘅朱古力曲奇俾佢,等佢哋可以甜一甜,開心吓啦!咁所以我咪要趁禮拜一果日 day- off 得閒pre-bake 一次個 chocolate lace crisps 囉!有起咩事上嚟,都有番幾日俾我實習嘛!



 


        我專登去烘焙店度買咗個禮盒,包裝得靚靚先送俾 Michelle 一家,希望佢哋鍾意我呢份小小心意啦!






      因為上次試食過,覺得味道好甜,所以今次將糖粉份量減少60 克,撲嘅糖霜都減少埋,今次甜度就啱好啦,不過亦因為少咗糖霜嘅關係,所以曲奇面嘅裂紋就無咁出,變相無咁靚囉!


        有興趣整呢個曲奇嘅朋友就 click 上面 chocolate lace crisps 個字啦! 


1 則留言:

  1. 收到一定好開心...
    [版主回覆01/31/2010 20:10:00]        妳講得無錯呀,我今日送 咗俾佢 哋喇,佢 哋都話好好食,Michelle 媽咪仲不停咁食,食到飽哂,個仔叫佢落街食 tea 都唔駛呀!

    回覆刪除