好耐都無收過聖誕禮物喇，大大話話都應該都有成十幾廿年，真係估唔到噚日會一次過收到 3 份禮物，全部都係學生 Ernest 同佢媽咪送 o架！
首先係一個人頭咁大嘅 panettone，未切開都已經聞到勁香，好吸引！
呢盒係「TWG」嘅聖誕紅茶，包裝非常精緻，同樣未開封
都已經聞到好特別嘅香味。
呢隻熊仔茶杯套裝係 Ernest 送俾我 o架，我個姓咁多筆劃、咁難寫，
佢都親手寫嚟送俾我，好感動哦！
佢都親手寫嚟送俾我，好感動哦！
喺呢度要再次多謝 Ernest 同佢媽咪送嘅禮物，預祝佢哋喺日本有個開心嘅聖誕假期！
嘩..一次過收3份,仲要又食又飲又靚杯..超級有心呀....依家可以用靚杯沖返包靚茶歎返個靚蛋糕靚tea time啦...爽到呢^^cupcake都行埋一邊啦..
回覆刪除[版主回覆12/18/2011 23:58:11]嘩，"四靚" tea time，我真係未歎過，聽落又確實超爽喎，wakakakaka！！ ……不過加埋妳啲cupcake，咁就超勁爽喇！！
關老佈~~咩叫 "聖經紅茶" ?????????好唔好飲架?????????
回覆刪除[版主回覆12/27/2011 17:52:04]咩 "關老佈" 呀！！？？……改番個字喇，死嘢！！……好唔好飲？其實好depend on 個人口味喎，茶味比較清淡，但香味就好濃郁，我自己就幾鍾意喇！妳睇番《節日cupcake》個篇blog啦，我有影到茶葉相o架！