2013年4月23日星期二

粗粒小麥麵包多士 Semolina Bread Toast

早前 Ernest 媽咪去日本玩,順道入貨,佢送咗包粗粒小麥粉同 Panettone Mother Yeast 俾我,仲 share 埋個食譜俾我整麵包㖭!但由於食譜中有好多材料我手頭上都無,所以個食譜都俾我改得七七八八!!



所謂粗粒小麥粉,即係專用嚟整意粉 durum wheat,亦即係意文嘅 semolina。意大利人用佢嚟整 pasta,可以做到 al dente 口感,所以呢個麵包做完出嚟同樣都會係煙煙韌韌,咬一啖之後,不其然都會講一聲:al dente!!

至於 Panettone Mother Yeast,其實係已經混合咗少量麵粉嘅酵母混合物,所以用之前一定要加水混合溶解哦!





 


中種

材料:
粗粒小麥粉 225
160 毫升

Panettone Mother Yeast 12

- 先將酵母溶於水中,拌勻後倒入麵粉內攪拌成糰。

-
麵糰於室溫發酵 30 分鐘。


-
將麵糰放入雪櫃內雪 15 – 24 個鐘即可。



 


主麵糰

材料:
高筋麵粉 75
蜜糖
15
乳酪
15
海鹽 6
40
橄欖油 2 茶匙
蛋液 少許

-
所有材料放入麵糰攪拌機內攪拌均勻,之後將中種切成細塊加入攪拌。



- 當材料攪拌成糰後,加入油,繼續攪拌至光滑麵糰。


-
將麵糰滾圓,放入已灑粉嘅兜內,用保鮮紙封好,發酵 45 分鐘。


-
麵糰排氣後平均分割成 2 份,分別滾圓,靜置鬆弛 25 分鐘。

-
麵糰再次排氣,用已灑粉嘅擀麵棍擀薄成長方形。

- 捲起麵糰捏緊收口,放入多士模內發酵至八成滿

- 喺麵糰表面掃上適量蛋液。


-
將多士模放入已預熱至 180 °C 嘅焗爐內焗約 30 分鐘。

- 出爐後將麵糰放上架上攤凍即成。

以上材料份量可做麵包多士
1 條。




呢包就係 semolina 同 Panettone Mother Yeast 喇!






16 個鐘後嘅中種麵糰,發到幾乎成盒滿咁滯,
發酵能力好強勁呀!







由於我自己無麵糰攪拌機及麵包機,只能用 food processor 攪打麵糰,
所以唔可以大量加水,否則會將麵糰捲入機內!呢次我只係用
食譜中用水量嘅一半,仲未加油都已經濕成咁,根本
無法成糰,所以個麵糰其實都無乜點搓過!!









好耐都未試過整包要用咁多手粉,你吓呢個打完杖過後嘅戰場,
枱都係頹桓敗瓦,就知我當時打緊嘅係一場硬杖,要
勁落手粉先夾硬可以叫做打完場杖咋!!








因為其實個麵糰無乜點搓過嘅關係,所以個麵糰筋性及組織自然唔會好,
加上根本都唔可以滾圓咁滯,所以我只能夠將成個軟綿綿嘅麵糰
嚿過放入模內發酵,出爐後個麵包表面更加塌落㖭呀!









試過呢次整一個無乜點搓過嘅麵糰,就知道點解整法包係唔可以搓得太耐,
更加唔可以搓到有薄膜,因為只有咁樣先可以做到組織
無咁密嘅大窿窿,你睇我呢個包就可知一二喇!







仲有豆漿剩,又玩吓打泡泡先!




Notes
- Panettone Mother Yeast
可改用即用酵母代替,用量 4 150 毫升。

2 則留言:

  1. 你就好啦, 有Panettone Mother Yeast, 佢仲正過白神山
    [版主回覆04/26/2013 17:23:52]哦,我唔係話整包時間唔就到,而係我用 food processor 整唔到冷藏中種,後果一係好似呢次咁完全搓唔到,一係就捲哂入部機裡面!!
    [Mrs. Benz 班太回覆04/25/2013 15:28:51]其實臨瞓覺前整定, 到第二日先整包囉
    [版主回覆04/25/2013 14:26:52]咁所以我成日都好多謝 Ernest 媽咪呀!
    [緊張大師-小女人回覆04/25/2013 08:47:37]班太Panettone Mother Yeast,好正架???Kestrel你就好啦,朋友成日有日本手信比你.嘻嘻,幸福呀.班太我又等你呀
    [版主回覆04/24/2013 19:47:55]但係如果佢一定要整成冷藏中種先可以用的話,咁咪又係得物無所用!!
    咁要等住睇妳同大家分享食譜至得喇!

    回覆刪除
  2. 緊張大師-小女人2013年4月25日 上午8:48

    我早二日想整豆漿昨天去買豆回來又忘了,今日一定要記得才行.無記性到不得了
    [版主回覆06/03/2013 00:05:08]咁妳有機會就睇睇套電影呀,吳彥祖著起套警察制服超靚仔有型呀!
    [版主回覆06/03/2013 00:03:07]當我媽咪離開咗我之後,我就知道佢始終都係幸福過我,因為當時剩番我喺度我覺得好傷心、好痛苦,反而佢已經了脫生死去到西方極樂,唔會再傷心,我都有掉番轉諗,如果我走先,佢肯定比我當時更加痛苦難受,白頭人送黑頭人嘛!
    係呀,啲有身份,有地位嘅人都肯咁勇敢 come out,都係想為大家爭取平等待遇。不過講番轉頭,依家個社會都已經開放咗好多呀,接受能力都提高,係仲有大部份啲 "耶穌人" 攪對抗囉!
    [緊張大師-小女人回覆06/02/2013 20:49:24]就因為係性格同個性所以各人睇法不一,但他有個咁好既伴侶,可以大家溝通互相傾告這才是,為何一個人走上絕路呢?你講得好,這行為好自私根本無為對方感受而決定的,若果他真心愛人是不可能接受這事實和痛苦.多謝你讓我明白知道更好,平日我只會覺得這些我可以接受,但無從他們角度去想過,他們處身的環境和現實的版本.唉~所以黃逹明他們行出來爭取我同我先生好撐呀.
    [緊張大師-小女人回覆06/02/2013 20:44:00]我無睇吳彥祖那套呀,好呀,我會去FB睇下先.
    [版主回覆06/02/2013 19:40:39]妳有無睇過吳彥祖初出道時拍嘅第一部電影《美少年之戀》?我唔係太記得詳細內容喇,只記得吳彥祖喺戲內嘅一 pair 其中一人完全就係呢個情況一模一樣,最後都係跳樓自殺!
    妳再去 facebook 睇睇我 PM 俾妳一位牧師的演講,真係好令人敬佩哦!
    [版主回覆06/02/2013 19:35:45]咪就係因為承受唔到家人嘅唔接納同唔了解,覺得好有壓力同兼得唔道認同囉!但妳要知道,各人處事方式唔同,對事物看法都唔同,可能佢自己想唔通、睇唔開,咁咪咩囉!
    係呀,其實佢哋兩個真係好一對金童,學妳話齋,又幸福又笑得甜,真係好可惜,不過同時又係自私,無顧及到另一半感受哦!所以其實呢個社會嘅道德價值觀其實俾到好多人唔公平、好大壓力、累死好多無辜,呢個肯定只係冰山一角,仲有大把 case 無曝露出嚟!所以有好多同性伴侶接受訪問時,話如果佢哋有收養仔女的話,介唔介意佢哋都一樣係 gay,好多時外人都會認為自己係 gay 當然唔會介意自己仔女都係啦,但事實係大部份都唔願意,因為自己係過來人就知道條路其實係比一般人難行,情況就如好多藝人都唔願自己嘅仔女做番演藝呢一行一樣,我都成日同學生講,雖然我係音樂教師,但我都唔建議佢哋全職教琴,part-time 就無問題囉!
    [緊張大師-小女人回覆06/02/2013 08:30:04]我睇了,但我唔明個男仔點解要死,我回頭睇二次啦,點解要跳下去,係家人反對就去死,但係佢另一半好慘呀,我好難過呀,看他們幾幸福笑得幾甜,可惜
    [版主回覆05/31/2013 16:11:25]咁不嬲呢個都係同志界最關注嘅問題啦!老無所依,無仔女嘛!就算有另一半,又唔可以享用到對方嘅保險保障,就算係簽字做手術都唔得啦!
    妳睇睇我喺 facebook 度 PM 俾妳嗰段片就知道平權運動真係有咁嘅需要哦!
    [緊張大師-小女人回覆05/28/2013 17:22:36]我記得你係三字頭所以聽到亞叔我覺得好怪,如你咁講,你年紀大了點教呀?呢個一定會到來的日子.無可能會嫌人年紀大喎
    [版主回覆05/28/2013 15:32:17]我查實四字頭都未有,只不過係呢個圈啲人唔鍾意大年紀啫,三十幾都已經嫌大,咪稱呼人阿叔囉!
    [緊張大師-小女人回覆05/24/2013 10:10:27]吓,你係亞叔唔係掛,我應大你好多喎,我記得你講過四x但我過了好多但未有人叫我亞婆你點可能係亞叔呀,果個人無戴眼鏡喎
    [版主回覆05/22/2013 21:29:01]唉,妳估我係後生仔,有樣、有身材、有名、有利、有權、有勢咩,都咁嘅年紀啦,仲邊鬼個會要你喎!到咗我呢個年紀,係呢個圈一早已經俾人叫做阿叔㗎喇,試問又有邊個鍾意同阿叔一齊呢!
    [緊張大師-小女人回覆05/22/2013 07:45:44]唉......當有一天,緣份來到擋又擋唔住的時候,我情願見到你有個伴啦.可能到時我雙倍見到你們弄食物呢.始於有個伴好些的,但當然無亦勉強但來到就順其自然.
    [版主回覆05/21/2013 16:59:03]全中,如果我有咗另一半的話,我就可能會少咗時間整嘢食,係妳損失哦!
    [緊張大師-小女人回覆05/19/2013 13:49:54]其實緣份好奇,你現在一個人,但誰會想到下一秒如何,對嗎?隨意去找一個累人累己,你唔雖要,你有空整下美點比我欣賞仲好啦
    [版主回覆05/18/2013 22:53:15]唓,妳老公又唔係 gay,點會鍾意佬喎,梗係唔會唔要妳黐埋我度啦!如果係的話,咁咪即係話你老公都係被社會世俗眼光所迫而結婚囉!我都唔會專登走去搵個女仔結婚生仔累人一世啦!
    [緊張大師-小女人回覆05/13/2013 08:33:56]哈哈哈,放心我老公只愛我同D仔,無人可以動得,介紹你識就可以.
    [版主回覆05/10/2013 02:06:30]頂,又試好哂喇,人哋老婆!!!!
    唔得,妳老公咁鬼正,一於同妳搶過至得!!

    [緊張大師-小女人回覆05/09/2013 17:30:48]我已冧死左啦,他真係好好,回家已好累但我想飲見到我整就會過來幫我整因知我點夠力呀,所以豆漿唔加糖都咁甜呢
    [版主回覆05/01/2013 19:35:32]妳老公真係好錫妳,如果我都有個咁嘅老公實冧死!!
    [緊張大師-小女人回覆05/01/2013 10:41:35]我無豆漿機,係用老公隻手,哈哈哈.
    [版主回覆04/30/2013 19:38:03]咁妳係用手榨豆漿定係用豆漿機整呢?
    [緊張大師-小女人回覆04/27/2013 09:35:33]我買了二包黃豆二包紅豆,昨天吃了紅豆沙昨日浸了黃豆今日可以整豆漿.我見到馬太自家制豆漿又見到你整我馬上同我先生講好想飲自家的豆漿,他話咁咪整啦.哈哈哈.
    [版主回覆04/26/2013 19:02:31]妳又發作喇!?妳寫到好似話自己買了黃豆煲紅豆沙,第二日再整豆漿!!
    [緊張大師-小女人回覆04/26/2013 17:35:16]高度傳染病,但我昨天買了啦,今日煲了紅豆沙,明天會整豆漿...哈哈哈
    [版主回覆04/25/2013 14:25:47]唔好意思,見妳一次已經將個病傳染咗俾妳!!

    回覆刪除