2014年3月21日星期五

給 Ernest 的 Brownie

        我成日都話,無電腦又煩,有電腦一樣咁煩,有起事上嚟,除咗唔識 佢之外,分分鐘仲攪到一頭煙之餘,可能好多資料都無哂!但原來屋企個工人姐姐,同部電腦都係一樣,無又煩,有就更煩!

 
        話說 Ernest 屋企之前好做得嘢嗰個姐姐唔做之後,搵極都搵唔番一個識做嘢兼醒目學到嘢嘅工人,Ernest 媽咪俾佢哋激到佛都有火!以前個姐姐真係算叫做好幫得手,乜都會做,連整麵包西點都學識。前兩個星期見到 Ernest 媽咪依家攪到要出街買麵包俾個仔食咁慘,反正依家我又有部麵包機喇,唔使下下自己嘥時間落手整,所以上個禮拜去教 Ernest 時就順手帶嚿麵包多士過去俾佢哋,唔使食街買 化學包咁慘啦!點知 Ernest 突然間問我,個麵包係咪送俾佢嘅生日禮物,我聽到抓哂頭,後尾佢話原來佢係 3 月唔知幾多號生日 ( 原諒我又老人癡呆哦 ),咪以為係生日禮物囉!


        細路仔夠哂天真,童言無忌,既然你唔覺意爆響口話自己生日,咁我聽到都會識做嘅!
 
 
呢個 brownie 食譜真係超正,個個都讚好食,又夠濕潤,
可惜今次真係老貓燒鬚,完全聽唔到個爐 我,
話我知已經焗好,到我去睇吓時原來已經焗好,
變番 standby mode,都唔知焗好咗幾耐㖭,
希望唔好焗過火而變到太乾身啦!
 



 
今次仲整多層朱古力漿飾面,呢次個蛋糕肯定 到爆呀!!
 
 
 
 
朱古力漿飾面做法

材料:
朱古力 100
橄欖油 2 茶匙

- 朱古力座熱水攪拌溶解。

 
- 加入橄欖油攪拌均勻即成。

 
至於朱古力蛋糕做法,請參考《布朗尼》。
 
蛋糕攤凍之後,放入雪櫃雪凍,之後將朱古力漿倒上蛋糕表面,掃平後再次放入雪櫃雪至朱古力漿凝固即可。
 

 

8 則留言: