2014年7月22日星期二

沙茶黑椒芋頭栗子燜麵筋

        一向都鍾意食薯仔、芋頭、南瓜、番薯、麵條等高澱粉質食物,所以幾乎每個禮拜都梗有其中一樣坐陣我三餐之中。今晚就整咗我好耐無煮嘅芋頭,又試攪攪新意思,試吓用黑椒醬同沙茶醬嚟燜。
 
 
 
材料:
芋頭
栗子
炸麵筋
乾蔥頭
蒜頭
月桂葉

調味料:
黑椒醬
沙茶醬
香菇粉
紹酒

- 芋頭去皮後切件,加適量油拌勻,放上烤盤上。

- 放入已預熱至 200 嘅焗爐內,用烤焗模式 (grill) 15 分鐘。

- 將芋頭反轉另一面再焗多 10 分鐘至表面金黃。

- 栗子去殼、去衣;炸麵筋汆水後瀝乾。

- 乾蔥頭去衣後開邊;蒜頭去衣後用刀略拍散。

- 燒熱油,放蔥頭、蒜頭及月桂葉爆香,之後加入黑椒醬及沙茶醬。

- 加入芋頭同栗子兜炒,灒酒,加適量水及香菇粉,煮滾後轉中慢火繼續燜。
 
- 當芋頭同栗子都燜腍之後,就加埋炸麵筋入內燜至入味及汁料收乾
 
 
 
呢碟燜芋頭除咗用上惹味醬料之外,仲落咗勁多
乾蔥頭同蒜頭,想唔好食都難囉!
 




栗子同芋頭好食就唔使講啦,但其實
最正係啲麵筋,因為索哂味嘛!
 
 
 
 
Notes
-
如果無焗爐的話,可以直接用油炸方法將芋頭炸至金黃,可避免煮成芋泥。

- 栗子去殼、去衣方法,可參考《栗子去殼及去衣方法》。

- 若乾蔥頭並非太大粒的話,可原粒燜煮而毋須開邊。
 
 

7 則留言:

  1. 請問你在那裡買香菇粉?我在香港的超市無見到。

    回覆刪除
    回覆
    1. 我罐香菇粉係我老竇拎返嚟,後尾俾我見到原來係喺「eCosway」度賣。

      其實好多賣素食地方都有得賣,不過個名唔係咁叫,叫做素雞粉,成份主要都係菇類抽取物。

      刪除
    2. 香菇粉我曾經在油麻地永x 地庫超市買過,佐教間國貨公司都見過呀。

      刪除
  2. 所有D材料我都最愛吃,但又唔可以食得多,因會胃氣漲。

    回覆刪除
    回覆
    1. 係呀,個胃唔好就唔可以食太多芋頭同栗子呢!

      刪除