2014年7月24日星期四

消暑袪濕冬瓜粥

            今日係大暑,即係一年之中最熱嘅一日,好彩我今日唔使出街,避免中暑。不過,匿喺間西斜屋度幾乎由朝做到晚,都唔好得去邊!唔係講笑,件衫濕到透就當然㗎啦,條底褲都一樣扭得水出,連面褲都濕埋!

        大暑當日通常都會買包袪濕料煲冬瓜水,但我就對呢樣嘢無乜好感,由細飲到大都仲係覺得味道怪怪,媽咪可能都知道我唔多鍾意飲,所以間中都會用同樣材料煲成甜粥,咁就即刻唔同講法喇,好食好多!之前我都會買包袪濕料嚟煲呢個甜粥,但今年就偷懶喇,淨係用咗幾款豆加薏米去煲咋!


冬瓜消暑,其他材料去水利尿,啱哂呢啲又熱又濕嘅天氣。







除咗冬瓜同薏米之外,仲落咗赤小豆、炒扁豆同眉豆去煲。



食譜可參考《冬瓜甜粥》。



6 則留言:

  1. 我地呢邊今日唔係最熱。 我唔鍾意食赤小豆、炒扁豆,用來煲完粉葛湯就倒掉。

    回覆刪除
    回覆
    1. 其實我都覺得唔係咁好食,不過我從來都唔會浪費食物,食得落嘅咪食埋佢囉!

      刪除
  2. 我其實乜豆都好鐘意食,但現在祇可淺嚐>0<

    回覆刪除
  3. 冬瓜甜粥未食過, 應該都一樣清熱消暑喇 !

    回覆刪除