2015年5月21日星期四

死剩半條草命

        仲記得之前我同大家講,屋企有棵迷迭香用水養住都不停生根,仲多到變成盆狀嗎?見大家都叫我轉落泥種,咁我就好聽話咁將佢種落泥喇。 
 
 
但每次將植物種落泥度就等於推佢
去死,都唔知係咩原因!!






好彩另外一早就種落泥嗰兩棵都健健康康,
不斷咁生長,變到棵樹咁款,希望
可以長用長有啦!


6 則留言:

  1. rosemary 根粗生架,英國無咩陽光又凍都唔C。

    回覆刪除
    回覆
    1. 我都唔知發生咩事,唔知係咪呢個禮拜香港天氣唔好呢!?

      刪除
  2. 回覆
    1. 我去買泥時個店員話呢隻泥係最適合種香草喎!我好耐之前種落嘅 oregano 都係用呢隻泥,都無事,仲生到好似異形咁,啲 "爪" 周圍伸展。我估可能天氣唔好,依家比妳之前喺香港時更差,成日烏天黑地,仲紅雨㖭!!

      刪除
  3. 聽講香草類植物泥土不能過濕,因根會壞死,但過多陽光又會曬死,所以炎夏都不宜種植。
    用手測試泥土深處是否濕,若真的乾才淋水,少少資料希望啱用 。

    回覆刪除
    回覆
    1. 好多謝 Ada 妳嘅分享呀!

      其實我之前 "癩" 過嘢都知道香草唔可以淋太多水,我依家都只係淋好少好少水,但真係唔知點解仲係咁,可能天氣唔好啦!我間屋係西斜,所以都死過無數次香草,成日聽人講香草好易種、好粗生,我真係一啲都體會唔到囉!

      刪除