2015年5月26日星期二

雜豆薏米土伏苓老黃瓜湯

        有陣時啲嘢都真係唔到你唔信,呢排幾乎日日都落雨兼烏天黑地,噚日佛誕就居然無雨落仲勁猛太陽,今日又即刻落番雨,睇新聞先知原來朝早仲發出過黑雨
 
        唔係講笑,真係濕到好得人驚,自己都 feel 到體內濕氣好重,所以就煲呢個袪濕湯喇!
 
 
早前有素友 Facebook 度分享咗個袪濕減肥食療原來
紅豆同薏米係最好袪濕食材,所以我今日煲呢個湯
都有落除生熟薏米同紅豆外,仲有眉豆、
炒扁豆、赤小豆同土伏苓。
 
 
 
 
 
 
講明係去水利尿,粟米衣同粟米鬚就一定要用埋呀!
 





買到兩條超大粟米,剝咗啲粟米粒出嚟整泡菜煎餅
平時粟米都係煲完哂湯先食,好少可會就咁
嚟食,原來好清甜,好似食緊生果咁甜!


4 則留言:

  1. 粟米衣都有用我就唔知,我地種的粟米都掉哂D衣架。

    回覆刪除
    回覆
    1. 有用呀,不嬲個個煲湯都落埋,有人專登俾錢買呀!

      刪除
  2. 我呢排都係煲呢類湯呀!

    回覆刪除