2016年6月27日星期一

素代葷食

        素友最鍾意用牛油果加醬油同 wasabi 魚生刺生咁食,嘅然係咁,不如就用牛油果嚟整個素魚生飯做第二餐啦!:x
 
       第三餐有乾燒伊麵同綠豆沙,個乾燒伊麵同樣都係素食版,之前一向都係用開蠔油同蝦子煮,今次就改用赤味噌。原本都想用番韭黃嚟整,但行勻成個街市檔檔都係斷紮賣,為咗少少買一大紮,我真係唔會咁做,喺冰格拎啲蔥段嚟用算數!!
 
 
 素魚生飯除咗有牛油果之外,仲有青瓜
甘筍同自家醃製酸蘿蔔。
 
 
 
 
 
 
食時加少許飯素提味,再加埋柚子醋同
wasabi,撈勻就食得喇!
 





估唔到用赤味噌嚟煮味道都唔錯喎,
加少少香菇粉吊一吊味仲正!
 





呢個係非一般嘅綠豆沙,除咗有綠豆同必落嘅臭草
之外,仲有日本昆布、麥米同海底椰㗎!
 





我習慣將啲綠豆洗淨浸過夜,今朝起身一睇,幾乎
吸乾哂所有水,攪到面頭嗰啲豆同麥米
無水浸住,發哂芽呀!!





乾燒伊麵做法請參考《蝦子乾燒伊麵》。


6 則留言: