2016年7月19日星期二

芋圓

        噚晚原本只係諗住煲芋頭番薯糖水,但諗諗吓又想整埋湯丸,因為好耐無食,心思思好想食到黏黏糯糯嘅湯丸。入到廚房,望吓望吓個芋頭,又突然間諗起早前上網睇到好幾個芋圓食譜,咁擇日不如撞日,反正都買咗芋頭,就整芋圓啦!
 

材料:
芋頭          200
木薯粉
      80
             適量


- 芋頭切片,隔水蒸熟後用叉壓爛成芋蓉。

- 將木薯粉分三次加入,用叉邊拌邊壓入芋蓉內,形成麵包糠狀。

- 逐少加水,慢慢攪拌成不沾手粉糰。

- 粉糰分成 4 份,分別搓長成幼條狀,之後切粒。
 
- 煲滾水,將粉糰粒放入,煲至翻滾並浮面即可。
 
 
今次買到個好粉嘅靚芋頭,不過都幾乾身,所以
都加咗唔少水,但上網見到台灣人整時
完全唔使落水都可以搓成糰。
 
 
 
 
 
 
製作比想象中容易,即使雙手及玻璃
砧板無先灑粉都完全唔會黏。
 
 
 
 
 
 
諗我會比較鍾意啲芋頭唔好壓得咁爛,
有番少少芋頭粒咬到會好食啲。
 
 
 
 
 
Notes
-
基本上芋圓係用芋頭加澱粉製成,所以可以選用各式澱粉,如薯粉、粟粉、番薯粉
  等,而用木薯粉製作嘅芋圓會比較有彈性,即使凍後都唔會變得硬身。

- 拌粉糰時,水嘅用量係受到澱粉嘅吸水量、芋頭嘅含水量、以及天氣濕度所影響,
  所以必須逐少加入直至能夠拌成糰,若果一下子加多水的話,可酌量加入澱粉。
 
- 做好嘅粉糰粒可以撒上少許澱粉,每粒粉糰都沾上粉後就可以放入冰格保存,毋須
  解凍即可直接放入滾水內煮熟。
 
 
 

4 則留言:

  1. 呢樣食品,我又係衹可淺嚐,故唔會整,嚟你度痴食一碗喇>&<

    回覆刪除
    回覆
    1. 係呀,芋頭嘛,食得多妳個胃實唔舒服,咁妳過嚟我度食幾粒好喇!! :D

      刪除
  2. 回覆
    1. 係呀,我見台灣人真係咁食㗎,不過我應該鍾意熱食多啲! :P

      刪除