2009年11月21日星期六

羅勒 & 檸檬薄荷

        上次買果兩盆香草:羅勒薄荷,雖然早前已寄居Louisa 個 office 度,由 office 個阿姐悉心打理,但最終都難逃一劫,早已往生。Louisa 可能見到我唔開心啦 ( 無法啦,我真係一個唔識放低嘅人 ),後尾佢花墟再買過兩盆番嚟送俾我,我當時真係好開心 o架,好似有番生氣咁!




        其實呢兩盆羅勒同檸檬薄荷都買咗返嚟幾個月 o架啦,但係我同 Louisa 講,我唔敢即刻拎返屋企住,因為天氣仲係好熱,我驚又再次殺生呀,所以就一直都擺喺佢屋企,由 Arthur 暫時照顧住佢,Arthur 都幾好心機咁照顧佢 o架,每日都為佢淋水,你睇兩盆香草都 keep 得咁靚就知啦!






        呢排見天氣正式開始凍 ( 其實都唔係開始凍,係已經好凍,起碼我都凍病咗囉 ),我就試吓拎返屋企,自己親手打理番囉。 So far 暫時呢幾日都 OK 嘅,每日我都有幫佢哋淋水同噴水,晏晝又會拎佢哋去窗邊曬吓太陽,希望不負 Arthur 之前嘅一番心機啦!


        再次多謝 Louisa 同 Arthur,thank you so much !!


6 則留言:

  1. Keith English Cottage2009年11月21日 下午9:28

    我都未開始種香草, 怕 D 狗吃曬!
    [版主回覆11/22/2009 22:56:00]        吓,乜 啲狗仔唔怕 啲香草果 "朕" 味咩?有時都唔係個個人都接受到喎,何況狗仔!           你先試種一隻先囉,OK 再買其他返 嚟種,既可以整 嘢食,又可以裝飾、綠化,仲可以令空氣陣陣芳香,一舉幾得,唔好浪費 咗你個咁靚、咁大 嘅花園嘛!

    回覆刪除
  2. Basil and Lemon mint 係好粗生既, 你比夠陽光佢, 適量的水就ok 架啦
    [版主回覆11/23/2009 18:14:00]        個個都係咁講,但我同我個 friend 就唔覺囉!妳睇番盆 basil 呀,下半部份咁光脫脫係因為 啲葉不停咁枯,要剪哂佢,即使 新 "標" 出 嚟 嘅葉好細塊時已經開始枯黃,我都怕又種唔到呢!

    回覆刪除
  3. 唉, 我都種過, 全部都病死晒, 唔感再種了, 我懷疑.......有菌!
    [版主回覆11/23/2009 22:25:00]        可能係呀!上次我買果兩盆有病時,我 send 過張相俾香草女皇睇,佢話應該係太熱同受細菌感染,拎俾 Ah Sa 都救唔番喇!

    回覆刪除
  4. basil 真的難種嗎?...
    [版主回覆11/23/2009 23:06:00]        唔知呢,個個都話粗生,但我就唔覺囉!

    回覆刪除
  5. mint 我都有種呀~decorate既時候好方便
    [版主回覆11/24/2009 14:04:00]        係呀,我都係因為呢個原因至買薄荷咋,yeah!

    回覆刪除
  6. 就咁睇又唔覺好差!不過大多陽光可能都唔係咁好,加油啦!
    [版主回覆12/02/2009 17:12:00]        多謝妳,好啦,加油!

    回覆刪除