2010年1月4日星期一

玻璃樽消毒方法

        整果醬或醃菜時,用嚟裝住果醬或醃菜嘅玻璃樽好多時都需要消毒,以免滋生細菌而發霉。

        一直以嚟,我都以為唔係個個玻璃樽都可以放喺滾水度烚,好驚會爆玻璃,但原來只要俾玻璃逐步加熱而唔係一下子接觸高溫,個玻璃樽係唔會爆嘅,所以處理步驟同烚雞蛋時凍水落蛋一樣。

-先將玻璃樽同樽蓋洗乾淨,之後放入已裝有凍水嘅煲內一齊加熱 ( 膠蓋除外 )

- 當水煲滾後,再烚多10 分鐘 。




 
- 之後用食物鉗小心夾起玻璃樽同樽蓋,放入焗爐度用 100°C 烘乾。






- 跟住將樽同蓋都翻轉,繼續用爐內餘熱烘乾。

- 烘乾後繼續留番喺個爐裡面,直到果醬煮好或醃菜材料準備好先拎出嚟用。

2 則留言:

  1. hi 我想請問你用什么brand oven牙,,好用嗎,,可否告知我
    [版主回覆08/17/2011 00:20:00]        妳睇番《 變頻式微波爐 》 嗰篇 blog 就有相 o架喇!         我自己就覺得非常好用,而且一個爐可以有齊多功能,真係一部攪掂哂!

    回覆刪除
  2. 請問, 有d金屬蓋, 內裡都有條膠邊.... 咁係未都可以用滾水及入焗爐呀??
    [版主回覆08/11/2013 23:52:05]係呀,圖片中嗰兩個蓋內圍都一樣有膠邊㗎!

    回覆刪除