2011年2月6日星期日

紅豆糕

        今日真係好充實,一早起身就整定嚿老麵,方便第時整麵包用;等緊老麵發酵時,就開始郁手整香草番茄全麥包;到等緊麵糰發酵時,我又繼續蒸糕呀!

        噚日整完芋頭糕,今日就蒸番個甜糕,係好啱農曆新年食嘅紅豆糕,祝大家 "" 運當頭,福星 "" 照!
 
 

材料:
紅豆          150
粘米粉
      113
             225
             1000 毫升

             2 湯匙

- 紅豆洗乾淨,用清水浸過夜。

- 第二日將紅豆放入煲內,倒入 750 毫升清水煲滾,之後用慢火繼續煲至豆腍。

- 加入糖拌勻,煮至完全溶解。與此同時,將剩餘嘅水與粘米粉混合,拌勻成粉漿。

- 將粉漿倒入紅豆糖水內,混合好之後加入油,拌勻。

- 當紅豆粉漿煮至濃稠時便可熄火,將佢倒入已搽油嘅模內,隔水蒸約 1 個鐘至熟。
 
以上材料份量可做 8 吋半 X 4 吋半 X 2 吋長型糕 1 底。
 
 
今次專登去「價真棧」度買呢包特大紅豆嚟整,噚晚浸豆之前清洗時
已經聞到有少少豆香,到今日煲豆時,香到呢…………
 
 
 
 
 
 
 
我用咗個防黏模嚟蒸糕,所以唔駛搽油都自動離邊。
 
 
 
 
 
 
你哋睇吓脫模脫得幾靚!我老豆見到都講咗幾聲好靚。
好期待聽晚煎嚟食呀!
 


 
 
Notes
- 煮紅豆時,當水份與豆齊面即代表紅豆已經者腍。
 
- 煮紅豆粉漿時記得用慢火兼不停攪拌,以免黐底。
 
- 將糕放入雪櫃雪一晚,第二日先至切件煎香會比較實淨,無咁易爛。
 

 
 

6 則留言:

  1. 好大粒紅豆呀 !
    [版主回覆02/06/2011 01:38:00]        係呀,成粒黃豆咁大 o架!

    回覆刪除
  2. 煎 紅豆 糕??? 未見過!!! 我不嬲只見凍食!!!
    [版主回覆02/06/2011 17:07:00]        呢個唔係用大菜或魚膠整,所以唔係凍食 o架!我表妹一家年年都整 o架!我呢個食譜係好耐之前方太個食譜 嚟 o架,妳都 試整呀,好易做!

    回覆刪除
  3. 但紅豆唔係我杯茶.... 綠豆可以嗎?
    [版主回覆02/07/2011 12:14:00]        咁妳真係唔係路喇,咁正都唔識欣賞!         綠豆?又真係未聽過喎,不過妳可以玩 吓 嘅,但我 諗用去殼綠豆好 啲,因為綠豆殼好似比較硬,驚食落口有渣。

    回覆刪除
  4. 你做得好靚, 脫得好靚, 不過紅豆沙就啱我胃口多D
    [版主回覆02/13/2011 01:19:00]        多謝妳呀!其實今次係第一次整,都係撞手神咋!個賣相咁靚都係多得個防黏模咋!

    回覆刪除
  5. 回覆
    1. 無呀,淨用粘米粉咋,呢個食譜係以前媽咪留落方太嘅食譜嚟㗎!

      煎香嚟食會比較紮實,似比較實嘅馬豆糕啩!

      刪除