番茄牛乾菌鹹蛋糕

        基本上，muffin 喺我屋企都可以話係長期無缺，貪佢快手易整，口味變化多。朝早趕時間出門口，快快手 “叮” 番熱，食完就可以走人；放工返到屋企又未可以即時煮飯食時，”叮” 一個嚟頂住肚就最啱。之但係始終食得甜嘢多都係唔係咁好，所以間中都會整鹹 muffin 或者鹹蛋糕。

 

        早排就用油浸番茄乾同牛肝菌嚟整鹹蛋糕。

 

 

整鹹蛋糕其實同整 muffin 都差唔多，事先將牛肝菌浸軟洗淨、

油浸番茄切細、爆香埋啲乾蔥頭之後，將濕料倒入

粉料內拌勻，之後加埋餡料，倒入模

後就可以入爐焗喇！ 

焗好出爐時聞到香濃氣味，真係好想熱辣辣即刻食呢！

 

用鹹蛋糕做主食都唔錯，唔使成日都粥粉麵飯咁悶。

 

 

 

 

 

        食譜及做法，請參考《菠菜莎樂美鹹蛋糕》。