2015年6月21日星期日

匯豐紀念鈔

        睇新聞見到首日喺香港同九龍會展大排長龍拎紀念鈔,真係嚇嚫我,好驚我都要咁輪隊!我被安排今日到大角咀匯豐中心領鈔,因為正正就喺 Charmaine 屋企隔離,所以之前已經約好今朝一早同佢上完堂我先行過去匯豐,但因為早咗成廿分鐘就到達大角咀,又唔敢太早上去佢屋企,於是就決定先行過去視察一下,睇吓條龍長到有幾恐怖!
 
        總站落車後已經見到有匯豐職員企喺中心入口攔途截劫,唔係領鈔嘅應該唔俾入,我問比預約時間早到可唔可以拎,佢哋話可以,再問清楚條龍有幾長,諗住如果真係要排好耐的話都係教完琴先返轉頭再拎,無謂阻住學生時間嘛,點知個職員同我講,查實係唔使排隊!嘩,咁正,即刻拎完走人!!首日啲人就日曬雨淋排幾粒鐘先拎到,我就可以舒舒服服涼住冷氣兼唔使排隊,前後幾分鐘就攪掂。教完琴去搭車時見到多咗好多人,仲有個警察喺度維持秩序㖭,我真係超好彩囉!! 
 
 
Charmaine 媽咪問我做乜唔賣俾沿途 "收賣佬"我話唔過 $1000 都唔賣,
況且企喺嗰度嘅好多都係講話唔正,睇個樣就知道係內地同胞,我話
賣俾佢哋的話,分分鐘收番張假銀紙都唔知,無錢賺不特止
仲連本都無埋!!嗱,如果你哋收到消息升過千
的話就記得通知小弟喇,哈哈哈哈!!


10 則留言:

  1. 有冇開,知道什麼號碼嗎

    回覆刪除
    回覆
    1. 無開呀,因為諗住保持原狀放番出去哦!

      刪除
  2. 其實...收購者都要知張鈔票no, 才出價, 還有, 只要小心地慢慢[mit}是不會[mit]爛的,
    再小心封番埋個口,是不會看得出的.

    回覆刪除
    回覆
    1. 我見到街上啲人直接交收,好似唔見有 check number 喎!到時真係到價會賣先睇都未遲哦。

      刪除
  3. 回覆
    1. 其實本身我都無諗住抽㗎,不過有次要上網處理戶口時見到佢網頁宣傳,咪順手 click 多幾吓囉,點知又一擊即中喎!

      刪除
  4. 回覆
    1. 真係要睇 number 嗎?咁我要開封喇!

      刪除