2015年6月4日星期四

德國酸椰菜

        成日都聽到人講話跟德國鹹豬手一齊食嘅醃酸椰菜好好食,但喺香港好少見到有,上網搵過資料,原來係要攪一大輪步驟去發酵,而且材料都未必買到,所以之後就不了了之!
 
        有次去糧倉入貨時居然俾我見到佢嘅蹤影喎!!
 
 
呢隻德國酸椰菜都只係賣十零蚊樽,買嚟吓都無妨。
 
 
 
 
 
 
可能我一向都唔係好食得酸,所以覺得味道酸過頭,
不過如果搭配鹹豬手一齊食的話,應該唔錯,
可以平衡一下豬手嘅濃味同油膩感。


18 則留言:

  1. 係呀,配肥淋淋的豬手就最夾,或者熱狗。

    回覆刪除
    回覆
    1. 咁等我下次都試試配熱狗食先!

      刪除
  2. 回覆
    1. 係囉,個個去德國都會食,但居然我表妹去完都未食過!!

      刪除
  3. 我情願自己買椰菜,做自已喜歡的酸菜好了

    回覆刪除
    回覆
    1. 未試過正宗嘅味道又點得呢,除咗對味道認識之外,亦係對當地飲食文化嘅了解,當然可以只做自己喜愛口味嘅食物啦,但都要有交流嘛,我覺得各地特色食品起碼都要試一次原味囉!

      刪除
  4. 回覆
    1. pig6pig,我係喺屯門一間糧油批發店買呀!

      刪除
  5. 聽您咁講,可以唔使再試了。

    回覆刪除
    回覆
    1. 點解?唔好因為我話酸就唔食喎,個個人口味都唔同,而且我係特別唔食得酸嘅,好多時人哋食唔到酸但我已經覺得好酸喇!!!!

      刪除
  6. 回覆
    1. cici,妳以後唔好信我嘅 comment 呀,因為我跟妳嘅口味唔係好同,如果妳聽我講話甜品甜度啱啱好,咁妳就死梗喇,哈哈哈哈哈哈! XD

      刪除
  7. 想問除左屯門重有邊度有得買?我去一田, AEON果D都唔見有

    回覆刪除
    回覆
    1. 我行過好多賣外國入口食材嘅店舖都唔見有,屯門呢間係我暫時唯一一間見過有得賣咋!!妳再努力搜尋吓啦,或者可以上網搵一搵入口食材網上店或批發。

      刪除
    2. 哈, 不過你依隻我見淘佬有得賣,十幾蚊一大罐

      刪除
    3. 咁點解妳唔買呀?淘佬又係乜呀?

      刪除
    4. 淘寶啊, 我岩岩試買左一罐

      刪除
    5. 咁妳覺得味道如何?係香港定係大陸公司?

      刪除