及時雨

        今晚一心準備偷懶食隔夜餸就算數，所以無落到街買餸，點知原來自己擺烏龍，所有隔夜餸已經食清都唔記得咗！！好彩及時雨到，打救咗我，咁就唔使落街買餸 lu，呵呵！！ ^^"

 

 

所講嘅及時雨就係老表今日嚟上堂時買俾我嘅沙律菜呀！

對我嚟講，無肉食完全唔係問題，但如果成餐飯

都無菜的話，咁就真係食唔落囉！！ 

 

 

 

 

好彩之前食剩半嚿豆腐，烚啲紅腰豆同三角豆，

再加埋蕎麥同沙律菜，撈啲日式芝麻

醬，咁就做好一個沙律。

 

咁啱之前又買咗磅車厘茄，仲有個未完全熟透

嘅牛油果，切粒乾蔥，再加啲芫荽，

咁又多個牛油果 salsa 喇！