2015年7月6日星期一

買慣買熟

        噚日去菜檔買絲瓜,因為依家地方淺窄嘅關係,好多時啲嘢都係放入檔口內,無得自己揀,只可以叫檔主拎俾我,菜檔姨姨揀好兩條絲瓜,秤好兼計好哂錢話俾我聽後,突然又換過第二條俾我,我問佢做乜事,係咪爛,菜檔姨姨話唔係,只不過好老,話我成日幫襯買慣買熟,唔俾嗰條我喎,之後仲收平我㖭!
 
        其實我都絕少好似啲師奶咁同啲檔主 / 阿姐打牙較,係粉麵檔個哥哥就會講多兩句,不過佢哋真係認得我,所以好多時都會話我知邊樣好邊樣唔好,有時仲會教埋我點揀。
 
 
呢兩條絲瓜都真係幾靚,最重要係 "坑紋" 比較淺,
即係唔使刨好多皮就攪掂,如果 "坑紋" 深兼
又粗又硬的話就要刨好多皮,唔見
食呀,咪變相貴咗囉!






今晚用咗嚟炒素烤鴨
 
 
 

14 則留言:

  1. 呢期絲瓜正,滾湯一流~~~

    回覆刪除
    回覆
    1. 係呀,剛剛食過好清甜呀!

      刪除
  2. 回覆
    1. 係呀,所以我都同個菜檔姨姨講,我一入街市第一檔就梗係行去佢嗰度。

      刪除
  3. 絲瓜好清甜,夏令蔬菜最好之一種。
    哈哈!其實我都鐘意去D買慣買熟嘅地方買嘢,之不過我也曾遇到過一D"黄皮樹了哥"呢!

    回覆刪除
    回覆
    1. 絲瓜係每年入夏必食哦!

      正所謂一樣米養百樣人嘛,咁當然會有呢類人啦!

      刪除
  4. 你條絲瓜好靚~無錯,坑紋深要刨好多皮,同埋食落"鞋"D架~~

    回覆刪除
    回覆
    1. 係呀,真係好靚!

      想唔嚡口就要刨得更加深,見唔到深綠色外皮就差唔多喇!

      刪除
  5. 我都係同你一樣,買開嗰檔就嗰檔,除非佢冇嗰樣賣,都會同啲人打牙較

    回覆刪除
    回覆
    1. 始終女人會比較多嘢講兼易溝通。

      刪除
  6. 嗯!難怪啦!好耐才偶然去街市買水果或菜,如果我叫檔員幫我揀d靚,差不多一定唔會太靚。。其實自己又不太懂得挑選。。就例如6,7月買2次芒果,好辛苦拿返去唔係黑心就係酸到難以入口

    回覆刪除
    回覆
    1. 係㗎,如果妳唔係幫襯慣的話,檔主肯定唔會揀最靚嘅俾妳,唔揀壞嘅俾妳都偷笑喇,好嘅梗係留番俾熟客啦,呢個都係人之常情。

      至於芒果,我估應該就唔關檔主事喇,因為老友話過我知,呂宋芒係 4、5 月當造,過咗呢兩個月之後就唔靚㗎喇,又唔香又唔甜,一定係帶酸,明年請早喇!! : )

      刪除