2015年7月28日星期二

辣椒蘿蔔煮年糕

        做嘢真係唔好心急兼貪快,肯定會出事!!
 
        話說今日晏晝整年糕,開粉漿整粉糰時無逐少加水,一下子就加多咗喇,攪到個粉糰比較糊狀,都唔緊要啦,反正都入微波爐加熱 "" 熟,肯定會扯乾水份,但係入爐時又貪方便,一次過校 2 分鐘,咁又衰多鑊喇,成底粉糰熟透兼幾乎硬哂,好彩之後放入麵包機攪拌時慢慢加番水去搓,最終都能夠搓番軟熟,真係一額汗!! ^^"
 
 
材料好簡單,只有白蘿蔔、青紅尖椒同冬菇,
加少少蠔油煮已經好鮮味。




之前買襯青尖椒都唔辣,前日去菜檔見到有兩款,平時買開
比較粗身、比較 pau3 身的一款原來係唔辣,今次試
買另一款比較窄身、比較實淨嘅就辣到跳舞,
食到成頭汗,超刺激,以後知道點揀啦!






煲定番薯糖水解辣哦,呵呵!!





想自己製作年糕嗎?有興趣的話可參閱《自製米粉及年糕》。



4 則留言:

  1. 這個配搭唔錯喎,我鍾意白蘿蔔,又鍾意食年糕。

    回覆刪除
    回覆
    1. 咁呢個真係開正妳嗰瓣喎!

      刪除
  2. 蘿蔔煮乜我都鐘意咖,不過,依家D蘿蔔會唔會苦苦地咖?

    回覆刪除
    回覆
    1. 嗯,又好彩喎,菜檔阿姐今次揀俾我呢個蘿蔔不但唔苦,仲好清甜㖭!

      刪除