2015年9月13日星期日

又上一課

        早兩個禮拜做清潔,抹到電腦枱時就發現電腦螢幕個火牛凹咗,形成一個氹形狀,當時只係覺得奇怪,但並無注意到問題。直到禮拜四晚上網,好友喺 Facebook 錄音留口訊俾我,因為太細聲嘅關係,一定要將個 speaker 貼近耳邊先聽得清楚,正當我拎起個 speaker 時,個螢幕突然斷電熄咗,我知道一定係郁咗條電線,所以諗住移番好條電線啦,點知一郁就出事喇,睇住個火牛爆火光,跟住間屋就漆黑一片,全屋啲 fuse 都跳哂掣!!
 
        因為其實當時係仲有其他嘢正在做緊,所以必須要嘗試開番部電腦登入自己 account,再接駁手機上網繼續完成工作。喺無咗電腦螢幕之下,居然我都可以摸住個 mouseclick 入自己 acoount 之後再輸入 passwork 成功登入,我都真係服咗我自己!! :P
 
 
其實要配番個火牛都唔易,起碼我住嗰區都搵唔到,好彩 Winnie
話我知市中心都有幾間電腦舖,叫我即管去有無得賣,
卒之都買得到,真係好彩,$130 就攪掂,如果買唔到
的話就要成千買過個電腦螢幕喇!!






呢個火牛真係貼心,有齊各式插頭,梗有一個啱用。






唔單只插頭有多款選擇,就連電壓都有得揀,由 12V 25V
真係一個萬用火牛!因為呢次燒咗個火牛又學多樣嘢,
知道原來唔同嘅電腦螢幕係有唔同電壓,
仲有萬用火牛呢樣嘢呢!
 
 
 

8 則留言:

  1. 嘩,有火光,嗰刻好危險呀。下次見到類似咁嘅情形,就唔好唔理啦!@_@*

    回覆刪除
    回覆
    1. 係㗎,見到全屋 fuse 跳哂掣,嗰刻先識驚!

      下次醒目㗎喇!

      刪除
  2. 好驚險喎,比着我都唔知點算,您好鎮定呀!

    回覆刪除
    回覆
    1. 係呀,我當時都嚇一嚇㗎!

      唔鎮定都唔得啦,得自己一個人,樣樣嘢都要頂硬上哦!記得第一次屋企跳 fuse 時我都唔敢亂撳電箱啲掣,都係走落樓下大堂叫個 guard 幫手搵管理處職員攪掂咋,只後佢就教我再次遇到相同情況應該點做囉!

      刪除
  3. 回覆
    1. 係啦,個火牛應該夠期喇,拎上手滾㗎!

      刪除
  4. 回覆
    1. 好彩電箱會自動跳 fuse 咋!

      刪除