IKEA 又入貨

        發覺同「IKEA」個八字真係唔多夾，鋪鋪都係呢頭買完哂嘢，嗰頭就嚟做特價，上次買 LED 燈膽係咁，早兩個禮拜去買食品又係咁，呢幾日食品部全線做特價八五折，你話係咪玩嘢呀！！ :(

 

 

咁啱 Winnie 又搭我幫佢買嘢，於是又去過入貨，

好彩今次買到嘅嘢同上次完全唔同！

仲去埋小食部試咗新推出嘅素菜丸㖭，配蜜糖芥末醬

一齊食，真係幾好味，唔怪得之咁多素友試過

之後都即刻買急凍包裝返屋企啦！

原本都係想買番芥末籽醬，不過個職員話缺貨無貨返，都唔知

係真定假，早兩個禮拜去買時仲係放滿成個架，咁快可以

賣到斷哂貨！？所以今次就買咗呢樽蒔蘿芥末醬，

不過試過就算喇，因為原來係有落色素！

有素友話呢隻北歐全麥軟包好食，見唔係太貴，原價

$16 / 5 件，仲有八五折，一於買包試吓。

雖然已經有帶冰種，但因為天氣熱，返到屋企都已經解凍變軟，

所以噚日就即刻試食一件，真係唔錯，好軟熟，比起

想像中更加好，加埋 hummus 一齊食，正！

盒 hummus 係 Ernest 媽咪買嘅，佢知我比較鍾意素食，

所以分咗半盒俾我。睇番個材料成份，其實都

可以自家製作，搵次又玩吓至得！

除咗食品，我同 Winnie 都各買咗對拖鞋，

特價 $9 對，抵呀，著爛咗都唔可惜！！