2015年11月10日星期二

肩頸按摩器

        長期性頸膊痛真係好困擾,而且亦確確實實咁體會到以前成日聽到老人家所講嘅 "仲準過天文台",更重要係,頸膊痛亦係其中一個導致到我成日頭痛嘅原因!以前曾經有段時間跟媽咪一齊去做推拿,嗰段時間係成世人覺得最舒服,唔單只少好多頭痛同頸膊痛,成個人都超精神爽利,完全無任何倦意,不過可惜收費極貴,幾百蚊粒鐘,兩個人夾埋做一次就過千喇,所以後來老竇被公司裁員之後,我哋都無再去推拿,因為唔敢亂洗錢,玩唔起!!
 
        老竇都知我長期性頭痛同頸膊痛,所以早前搭個朋友買咗部肩頸按摩器俾我,聽佢講國產貨好似平過韓國貨差唔多一半,超級抵用,但其實講真呀,依家幾多大牌子貨品咪又係 made in China,反而仲要俾好大部份廣告費㖭!!雖然機器始終唔敢人手咁好,但都仲好過無,按摩完之後真係舒服好多,頸膊肌肉都鬆好多。
 
 
前兩日去做義工,全日都係企同行,小腿又攰又酸痛,
夜晚返到屋企,沖完涼之後就即刻用部機按摩
頸膊,之後就順手用埋佢嚟按摩小腿,
十零分鐘後真係舒緩好多呀!!
Thank you Dad!!
 
 
 

4 則留言:

  1. 回覆
    1. 依家用咗一個禮拜度,暫時都未知成效,但頭痛嘅 "意慾" 真係減少咗,希望承妳貴言啦!

      刪除
  2. 您爸爸幾錫您,有帮助就好了。
    "痛"呢個字,真係玩C人咖,我可能早排頻頻撲撲,行街行得多,呢個星期腳踭又痛了,睇咗醫生,食咗药好少少,但胃又痛,唉,睇怕又要去做物理治療了。

    回覆刪除
    回覆
    1. 痛症其實都真係好影響生活,我成日都覺得外在創傷性嘅痛完全唔及內在神經性嘅痛囉,真係好攞命,痛到做唔到嘢!

      刪除