2011年1月4日星期二

2011 新年派對

        噚日約埋明仔、Winnie 一齊上去 Louisa 度開 party,原本 Li Kien 都話去 o架,點知最終又係放飛機甩底!



今次我哋都帶咗好多禮物上去,睇見都好似聖誕重臨咁款!


 



話咁快,Louisa 就已經將所有禮物拆哂喇!


 



認得嘛,呢份咪係我 o架囉!


 



明仔買嘅香薰座。


 



Winnie 買cake stand,一物三用 o架!


 



呢個咁靚嘅禮盒係 Winnie 送俾 Louisa 嘅什錦曲奇,我之前幫 Winnie 整
嘅送禮曲奇咪就係呢盒囉!經佢包裝後即刻變得好有睇頭。


 



食完 lunch 之後就開工整餅喇,首先就係整竹炭黑芝麻瑞士卷。


 



吓個成品幾靚,仲好好味 o添!


 



跟住就到我、Winnie 同明仔三個整咖啡瑞士卷。整好之後,我
三條友仔都唔夠膽捲,驚捲爛嘛,所以最後都係由大師出馬!


 



你睇,一樣咁靚 o架,咖啡味仲好香濃 o添!


 



Ladies & gentlemen, it's the dinner time!


 



煙肉煮青口。


 



我整芥末火腿麥穗包


 



煎鴨肝法包伴沙律菜。


 



Louisa 專登喺北海盜買返嘅長腳蟹。


 



白汁煙肉長通粉。


 



呢個飯後甜品就精彩囉,係明仔整嘅焦糖燉蛋朱古力慕斯蛋糕。


 



個蛋糕真係正到無朋友呀!啲朱古力香濃到呢 …………  
明仔真係好心機,淨係個古古力波波都整咗成粒鐘呀!


 


        大家盡興之後,就要冒住嚴寒歸家喇!


8 則留言:

  1. 個餅有少少毀容,你應該將面頭pat焦糖打格仔嘛.......XDD
    估唔到個咖啡同竹炭卷蛋咁好味,而家有recipe我會買竹炭粉自己卷下先!!
    你個包好味呀,如果點d欖油仲正!如果可以準備到Ravel果首4 hands彈埋就真係極之充實既一日!
    [版主回覆01/05/2011 17:40:00]        如果你唔講,鬼知道果蛋糕毀容咩,你自暴其短呀!         整好個瑞士卷就記得影相 嚟睇睇呀!         多謝你咁欣賞我個包包呀,好開心呢!         下次記得帶埋 Ravel 個譜喇!

    回覆刪除
  2. 好正呀.. 你地高手過招?
    [版主回覆01/05/2011 17:36:00]        嘩,唔好咁講,如果我係高手的話就唔會唔敢捲個瑞士卷啦!

    回覆刪除
  3. 個竹炭黑芝麻瑞士卷好正呀! 比個譜譜嚟試吓吖! 我超鐘意 黑芝麻架!你就正喇.....有咁多好嘢食。
    [版主回覆01/05/2011 17:34:00]        我 check 吓 Louisa 有冇 send 個 recipe 俾我先,如果無的話,要叫佢 send 俾妳喇!

    回覆刪除
  4. 下次你就得la..
    [版主回覆01/05/2011 17:49:00]        咁我都會自己實習 吓 嘅 ,承妳貴言!

    回覆刪除
  5. 食物同埋禮物都好靚~ 超開心o既聖誕節.
    [版主回覆01/05/2011 23:42:00]        係呀,好開心呀!不過唔係聖誕,係新年至 啱 呀!

    回覆刪除
  6. 之前黑炭都好吸引我..但最近睇左篇報導話黑炭野千祈唔好食..會引起肺塵....超恐怖囉...都係用黑芝麻好過啦....
    [版主回覆01/08/2011 22:55:00]        唔係話,咁驚!!  不過我都唔會用囉,因為根本得個色,完全無味道,慳番 啲錢好過!

    回覆刪除
  7. Fatgarfield 肥加菲2011年1月9日 下午9:56

    Wow, lovely gathering! So many gifts and so much good food!
    [版主回覆01/09/2011 22:32:00]        Yeah, it's really happy & enjoyable!!

    回覆刪除
  8. Keith English Cottage2011年1月13日 上午11:58

    留口水!!!!!!!!!!!!
    [版主回覆01/16/2011 00:21:00]        留口水呢,哈哈!  上次都叫你 join 埋我 哋一齊玩啦!         係呀,今日我老豆同我講,佢話佢個 friend 喺林村農場養果隻狗都俾人毒死 咗呀!佢話平時隻狗好乖、好聽話,見到佢就會撲埋去歡迎佢 o架啦!佢仲話農場附近都已經有幾隻狗同樣被毒死,話係 啲人原本想放藥毒死 啲野豬喎!         真係好可憐呀!

    回覆刪除