2011年4月17日星期日

春天來了!

        見到老豆呢盆植物就知道春天已經到咗喇!



雖然我唔係好知呢盆係乜,但係見到正中間新長出嘅嫩枝,
真係好吸引我!


 



喺背後嘅深綠色枝葉影襯下,新枝特別嫩綠,好清新、好有朝氣!


 



其實早幾個禮拜前,新枝比呢棵嫩芽更細,估唔到
幾個禮拜後就長高咗咁多,仲有咁多嫩葉 o添!


 



早排 T&Pblog 度見到佢將九層塔嘅折枝放喺水度,浸到出根先至
拎去放落泥度種,於是我上次煮泰式紅咖喱海鮮時就留起咗兩棵
九層塔浸水。另外左邊個棵係老豆朋友俾佢嘅鼠尾草。


 



估唔到話咁快,浸咗無幾耐就已經浸到出根,仲好旺盛 o添!
遲多幾日就要放入泥度種喇,希望可以種得到啦!


1 則留言:

  1. 春天晨早到左啦...你真係不覺曉....醒了喂... 我鐘意sage....
    [版主回覆04/17/2011 19:13:00]        妳估過 咗春節就叫做春天到咩!正式春天 嘅春天天氣點會好似之前咁反常 o架!         鼠尾草聽就聽得多,不過我都係第一次見咋!

    回覆刪除