2011年9月6日星期二

三絲拌麵

        呢排整嘢多數都係為清倉而整,因為雪櫃放好多好多嘢,勁爆棚!剩係冰皮月餅都霸咗冰格同下格呀!


        今晚就清埋樽擔擔麵醬,用佢嚟整三絲拌麵。



三絲包括青瓜絲、火腿絲同雞蛋絲。


 



麵條今次用咗新鮮上海麵。


 



仲有我嘅至愛 — 番薯湯水。


 


        拌麵醬做法,請參考《四川擔擔麵》。


4 則留言:

  1. D上海麵使唔使出水?點先至唔會快淋晒?好多時我煮完一陣已經吸晒D水...
    [版主回覆09/06/2011 11:54:00]        煮上海麵真係一個幾大學問,真係少 啲經 驗都煮唔好呀!以前見媽咪都煮得多,到自己煮時,成日失敗,一係煮來煮去都煮唔腍,一係就煮到好似妳咁,索到一滴水都無!後尾煮好多次先總結到最好方法,而 噚晚煮 嘅上海麵係咁耐以 嚟最好,又腍、又清爽、又滑,不過可惜落唔夠鹽,唔係好夠味。         煮上海麵最緊要係水夠多,煲滾水後落麵,要間中攪拌,防止黐底,煲番滾之後就用慢火繼續煮,煮到咁上下就熄火焗,焗到自己鍾意 嘅軟硬度就可以過冷河,盡量洗清哂多餘麵粉,令到麵條爽身,之後再放滾水內煮番熱就得喇,如果唔過冷河的話,麵條會非常黐、非常黏,好難食!

    回覆刪除
  2. 有埋青瓜絲真係青同脆好多~
    [版主回覆09/08/2011 01:40:00]        我都係因為呢個原因先加青瓜絲咋!

    回覆刪除
  3. 下?原來要過冷河...好,黎緊星期六試下你講既方法先!
    [版主回覆09/08/2011 01:42:00]        其實大部份中式麵條都係要過冷河 o架,如果唔係就會好黐、好黏口 o架喇!         咁試完之後妳再話俾我聽係咪 OK 啦!

    回覆刪除
  4. 你啲蛋絲都切到好粗啫.....
    [版主回覆09/13/2011 02:22:00]        啲蛋絲唔係切 o架!妳都知我好怕污糟同肥膩 嘢 o架啦,所以塊蛋皮我係捲起之後用較剪剪咋,咁就可以洗少塊砧板嘛!所以咪求求其其咁剪算囉!

    回覆刪除