趁今日朝早比較得閒，瞓到差唔多 11:00pm 先起身，攪掂好哂，快手食個早餐後就郁手整嘢喇！
今日老友阿珊到訪，整定啲橙皮藍莓 muffin 招呼佢，
貪佢夠快手、又好味，賣相又見得吓人。
原本諗住拎幾個出去俾阿 York，點知突然收到佢姨媽電話，話佢媽咪
唔記得通知我佢哋去台灣唔上堂，咁 ……… 慳番！
呢個 sablé 酥餅麵糰已經喺 "冷宮" 不見天日咗好長好長時間，皆因原本佢係一個錯誤！！
因為年頭整玻璃曲奇送俾學生時，揀錯咗個 sablé 食譜嚟整，原來呢個 sablé
麵糰係非常軟身， "級" 唔到模，要用過另一個曲奇食譜再整。之但係
成幾百克粉整成嘅麵糰，無理由就咁掉咗去㗎，咪用保鮮紙包好後
掟上冰格保存囉，直到近排摷 "冷宮" 時先再記得番起佢，
咪所以的起心肝整咗佢，費事阻住哂啲空間。
可唔可以下次打包幾個比我呀！！
回覆刪除[版主回覆07/31/2013 20:03:36]呢度咁多件，妳隨便拎啦！
瞓到差唔多 11:00pm 先起身?
回覆刪除[版主回覆08/07/2013 02:23:19]哈哈，打錯字母呀！！
[Mrs. Benz 班太回覆08/06/2013 13:44:18]對我嚟講11:00pm即係23:00晚上11:00喎, 所以我先覺得奇怪
[版主回覆07/31/2013 20:06:25]我餐 dinner 係 12:00am 食，食完又唔可以即刻瞓，我通常都係兩點零三點先瞓，咁趁噚日朝早無乜嘢做咪瞓晏少少囉，其實咪都係正常 8 個鐘！平時我多數都係瞓 6 粒鐘度咋！
作C頂喇...整到啲muffin咁C靚...引C我咩....
回覆刪除[版主回覆08/01/2013 11:15:14]嘩，妳出品咪仲靚過我，唔係點稱神呀！！
升得好高呀！
回覆刪除[版主回覆08/04/2013 15:29:46]真係？
[緊張大師-小女人回覆08/01/2013 17:46:54]唔係呀,真係升得好高好靚仔呀,唔關斜既角度問題.
[版主回覆08/01/2013 11:17:56]唔係呀 P 姐，其實係我將啲 muffin 打斜擺，等佢走咁啲水氣咋！！
你個賣相靚到咁,真係無朋友呀?我點可以整到咁靚呀???我食過那橙皮漬好香好甘.你做到無得頂,超美味,下次我食呢個啦.
回覆刪除[緊張大師-小女人回覆08/26/2013 16:51:12]我知,我好輕鬆反而家人擔心.我會面對任何事,放心.,我好樂觀的,有消息我會告訴你,多謝你同我分享分擔..
[版主回覆08/26/2013 02:08:19]放鬆心情吧，情況未必係好差，撐妳呀！
保重身子！
[緊張大師-小女人回覆08/24/2013 08:27:05]放心,好朋友一定唔可以放過,我真係要福氣為我打打氣,我去了醫院,有個唔太好的消息,稍為才同你講.,
[版主回覆08/22/2013 23:29:16]咁妳快啲搵時間識佢啦，黐吓啲福氣嘛！
[緊張大師-小女人回覆08/22/2013 11:21:06]好,替我多謝Winnie,我從你口中她是一個好值得交的朋友,現今世代要交好朋友比較難,所以你好有福氣
[版主回覆08/14/2013 22:27:41]原來妳想識 Winnie！！我都曾經同佢係咁 "椅" 講過妳想 date 佢，佢話無問題呀，一齊玩囉！咁妳得閒就話我知啦！
[緊張大師-小女人回覆08/13/2013 17:55:25]下次約埋Winnie一齊玩啦,你星期一day off想必無咁快可以,我現在做水療,做完好累,回家一定睡覺
[版主回覆08/08/2013 22:09:43]係呀，我依家逢星期一 dayoff，妳搵到時間就 call 我啦！
老表同 Winnie 今個禮拜日會過嚟做阿茂，點呀，妳想 date 佢咩？
[緊張大師-小女人回覆08/08/2013 17:05:44]我唔係得個講字要同你夾下先得.你星期一放假對嗎?你用電郵比地址我啦,Winnie會來嗎?
[版主回覆08/08/2013 03:06:57]應該係城門隧道轉車快啲又平啲！
咁妳幾時入嚟先，唔好得個講字喎！
[緊張大師-小女人回覆08/06/2013 10:08:10]你話比我知我可以入到架,無問題,我係咪去旺角坐番那架巴士咪去到,幾方便
[版主回覆08/05/2013 19:35:17]我成日都話一齊整嘢食㗎啦，只不過妳屋企有咁多人，我去妳屋企唔多方便；我屋企得我一個，但妳又行動不便，要妳途長路遠入到嚟又好似好衰咁！
好呀，等妳成品分享呀！
[緊張大師-小女人回覆08/05/2013 14:33:23]係咪真架,好呀約你一齊焗肯定好開心,因為我試過一舊舊就焗點知媽咪和老人家個個同我講,你個糕未熟呀,仲係一舊舊喎???點算,又可以拌得耐又要輕又要快手,我真係無法,明天我會整一次muffin看我可否成功.到時比你睇睇
[版主回覆08/04/2013 15:36:57]講真，啲粉糊真係一嚿嚿㗎，啲鬼佬食譜寫住話係 lumpy，咁就已經要停手㗎喇！
妳入嚟我度一齊整，我睇住妳整就知出咩問題。
[緊張大師-小女人回覆08/01/2013 17:46:00]我又係整唔好muffine那個人啦,唔通我真係無天份咩???個個都話好快輕手拌勻但根本那粉都係一舊舊,我跟外國人整那方法都唔work既.你每次都整得超美,滿分架,你記得你整綠茶紅豆嗎?我又學人整,出來咪好樣衰囉.口感又唔似muffin,我都係食你呢個算罷啦
[版主回覆08/01/2013 11:20:30]有幾靚呀？咪又係普通 muffin 一個！整藍莓 muffin 好難唔靚仔㗎喎，因為顏色分明嘛！妳先過整未先？妳絕對可以做到㗎，或者搵次同妳一齊整呀！
個橙皮真係人試人讚，不過整就真係幾麻煩，要好有耐性等、等、等！
好，下次就整呢個俾妳啦！
你啲MUFFIN無得頂呀~~BTW，原來個sablé麵糰擺咁耐都唔怕？焗出嚟TEXTURE有無唔同架？
回覆刪除[版主回覆08/04/2013 15:34:12]Muffin 係我至愛，長期補充冷宮貨源！
我之前從未試過整 sable，所以無得比較。成品好鬆脆㗎！
查實放得上冰格嘅嘢都雪硬到成嚿石頭咁，點會咁快變！
好靚的muffins. 見到都想做.
回覆刪除[版主回覆08/04/2013 15:30:24]咁快啲郁手整啦，又唔難整、又好食。
D muffin外脆內軟，一定好好味了😋😋
回覆刪除[版主回覆08/05/2013 19:57:01]係呀，呢個口感最正！