送給表姐銀婚紀念的栗子蛋糕

        早前表姐喺 Facebook 度留 message，邀請我出席佢同表姐夫銀婚紀念晚宴，原來佢哋當年係正正年尾最後一日結婚，25 年前嘅事，我真係一啲印象都無，所以佢話當晚順便一齊倒數㗎喇！

 

        唔知係咪心有靈犀，我發覺自己咁耐都無試過整栗子蛋糕，諗住今次試吓整，送俾表姐同表姐夫做賀禮，趁老表入嚟學琴時同佢傾過，點知佢話原來佢家姐係超愛栗子蛋糕，嘩，咁唔整都唔得啦！！

  

 

黑椒雜菜豆腐伴菜飯

        天氣凍都唔緊要，但就唔好落雨囉，攪到又凍、又濕、又寒，匿喺屋企都懶到唔願郁，乜都唔想做，不過始終都要攪掂好基本三餐。求求其其所有材料煮埋一碟就算，之前食剩幾條菜，用嚟做菜飯啦！

 

 

迷迭香

        見到 blog 友 Allie 成功種到羅勒，而且仲生長得好好，好茂盛，可以用嚟整麵包同 Pesto 醬，真係戥佢開心。我自己就無呢個福份去種 basil 喇，種嚫都死，無論係用種籽種定係現成盆栽買返嚟都一樣唔掂，可能都係因為間屋實在太熱喇！！

 

        呢啲咁熱嘅環境，最適宜種迷迭香，因為佢係屬於罕生植物，唔需要咁多水都可以生長到，最重要係唔怕熱嘛！仲記得之前我喺「一田」買到嘅 rosemary 嗎？雖然佢係放雪櫃賣，但居然生命力都幾頑強，種可以繼續生長哦！

 

 

 

東南亞風味

        冬蔭功、青咖喱雜菜同西米布甸都唔係第一次整，以前都已經整過，呢幾日分別又再整多次，不過今次有啲特別，原來三樣嘢都不約而同係用咗親朋好友送俾我嘅手信去整哦！

 

 

薑餅風合桃鬆餅 Gingerbread Walnut Muffin

        我自己一向都唔多鍾意整曲奇類餅乾，覺得好麻煩、好多功夫，整好個麵糰之後又要切、又要搓、又要吸模、又要用匙羹逐少勺上烤盤、又要唧、又要 ……，之後又要分好幾盤入爐焗幾廿轉，真係用好多時間，最慘都仲係清洗工作，全部用具都油到不得了，洗都洗到隻手爛，依家天氣咁鬼凍，油脂凝固咗仲難洗！！

 

        其實我本身都幾鍾意食薑餅人嗰款薑餅，因為覺得香料味好吸引，不過就真係唔係人人都頂得順！之但係想食又唔想整，咁點好呢？將個食譜作少少更改，應用到 muffin 上，咁咪做起上嚟輕鬆得多囉，仲可以滿足到味蕾㖭！

 

 

全麥粉 biscotti

        上星期老表不斷打電話俾我，又問呢樣又問嗰樣，原來條友仔鬼死咁勤力喺度玩烘焙，一係唔整，一整就整成三樣嘢，包括 muffin、scone 同麵包，由晏晝兩點幾整到天黑，呢位懶惰姑娘真係估佢唔到。雖然佢好少整，但呢次三樣嘢都算不過不失，起碼食落口都唔難食，個 scone 仲係第一次整㖭，合格有餘喇！

 

        見佢整得咁開心，我嗰日放工返到屋企都仲要做幾粒鐘清潔，即使個人已經好攰，都要開爐玩吓，整個至簡單嘅 biscotti 就最啱喇！

 

 

乾燒伊麵 & 麥米番薯湯水

         天氣轉冷，最啱就係食勁薑番薯糖水，真係名符其實甜在心，暖入心！！

        啲草菇越賣越貴，上年賣開 $6 / 4兩，跟住加價加到 $7，呢次買仲犀利，賣到 $9，即係維起 $36 / 斤！！咁攪法，真係買斤菜抵好多囉，起碼可以填得飽個肚！！

Focaccia Sandwich

        短時間內已經做過幾次 focaccia，皆因 Gennaro 個食譜真係好得，既簡單又效果好，唔使整乜種物種，又唔使低溫發酵過夜，包質都一樣咁好，而且我自己又好 buy 有香草嘅麵包。

檸檬粟粉蛋糕 Lemon Sand Cake

        雪櫃有兩個檸檬擺咗喺度好耐，要諗辦法用咗佢！突然間諗《我愛和風洋菓子》裡面有個主要用片栗粉整嘅檸檬蛋糕，不妨一試，睇吓效果係點。

 

        我自己就無專登走去買包片栗粉返嚟整，只係用粟粉代替咋，反正都係澱粉。外國人都有用澱粉整蛋糕，稱為 sand cake，因為澱粉本身係無筋性，所以成品個 texture 會比較鬆散，真係糕如其名，質地食落真係好似食到成口鬆散嘅沙，而且仲會有入口即溶嘅感覺㖭！不過我自已就唔係咁喜歡個 texture，試過就算喇！
 

 

橙醬龍眼甜酸麵筋

        唔知係咪因為自家製果醬無落防腐劑嘅關係，樽 marmalade 個樽口居然有一細嚿 “霉” 喺度，趁仲未波及到果醬，快手食埋佢，用嚟代替糖去煮餸就最快手清哂佢！

 

 

又整素薑醋

        每次醃好鹹蛋之後，總會留起兩、三隻嚟整薑醋，今次都唔倒外，不過呢次煲薑醋就加多咗兩樣食材：黑背木耳同黑豆。

 

        其實上網 search 關於素薑醋嘅資料時，大部份都會用到黑背木耳同黑豆，我估係因為木耳嘅膠質可以代替豬手；而黑豆嘅蛋白質就可以代替雞蛋。
 

 

再做甘筍蛋糕

        早幾日整海鮮粉絲沙律時要用到好多紅蘿蔔絲，反正都開機刨絲，順手刨多少少留番嚟整甘筍蛋糕。

 

 

醬油麴叉燒

        好少食肉嘅我，突然間心血來潮想食叉燒！！整叉燒都可以話係無乜難度，只要用醃料醃好，之後掟入爐焗就攪掂喇！

 

 

梅州綠豆餅

        原來阿馳剛 join 了短程美食團到梅州玩，我問佢邊度係梅州、喺邊度，佢都講唔到俾我聽，真係激鬼死！！

 

        佢喺梅州時食過一樣叫綠豆餅嘅嘢，覺得好好食，於是就搭個導遊叫商店現成即做。新鮮即製嘅綠豆餅係軟身嘅，有啲似老婆餅，要 20 日內食完。佢話如果唔要即製的話，啲餅係硬嘅，仲可以擺到好耐㖭，聽見都得人驚哦！！

 

 

 

海鮮粉絲沙律

        呢幾日天氣都好暖，仲有陽光，趁天氣都仲係熱，整沙律食都唔緊要。

 

        呢個粉絲沙律超簡單易做，係切青瓜絲同紅蘿蔔絲比較嘥時間，我就無理咁好氣喇，掟哂入部 food processor 度就攪掂，之後用越南經典魚露汁 nouc nam 撈勻就食得喇！

 

 

AeroPress Coffee Maker

        早幾個月搭巴士時，睇到個節目有位咖啡師教沖咖啡，佢用一個叫做 AeroPress 嘅器具嚟沖，我越睇就越覺得好熟口面，好似 Ernest 媽咪上次送俾我嗰套咖啡套裝，於是返到屋企就即刻要驗證一下，果然真係！！

 

       當初我見到個 coffee maker 時，睇個外形，一直都諗住係一個充滿時尚 design 嘅越南滴漏咖啡壺，因之前有過用越南滴漏咖啡壺嘅經驗，覺得又慢又麻煩，所以就無理到佢，繼續用番濾紙方法去沖套裝內嘅三包咖啡豆。

 

       

雜菜薯蓉批 Veggie Shepherd Pie

        我成日都對 shepherd pie 呢個名好感興趣，點解會咁叫嘅呢？喺我心目中，pie 係指用個 crust 做批底，將鹹或甜嘅材料放入，之後再入爐焗，好明顯呢個 shepherd pie 個外觀唔係咁啦！另外，點解會用 shepherd 呢個字呢？唔通呢個批真係由牧羊人創出嚟？

 

        近排上網睇地獄廚神 Gordon Ramsay 嘅《Ultimate Home Cooking》，今次唔係要教煮高級精緻菜式，而係教煮一啲比較簡單嘅家庭菜，包括早、午、晚三餐，每集節目最正就係煮晚餐時，要佢四個仔女分別入廚幫手，”迫” 佢哋學識一啲基本技考，就算最細嗰個都要學揸刀切嘢，咁就唔使怕佢哋連水幾時滾都唔識啦！

 

         剛好其中一集教整shepherd pie，原來正宗係用羊肉嚟整，咁就所以用咗 “牧羊人” 去命名。連牛都怕食嘅我當然就唔會用羊肉煮啦，今次試整連肉都唔用，整個素菜批吧！

 

新鮮熱辣黃豆餅

        印尼發酵黃豆餅都買過好幾次，一入到店內就即刻走到去雪櫃，點只搵勻都唔見有得賣，真係好少會咁，次次去到都見到有好多放喺度，於是走去問啲職員有冇得賣，點知佢叫我擰轉身睇睇，原來放咗喺對面啲紙皮盒上面。我問個職員點解唔放雪櫃內，佢話啲黃豆餅啱啱做好，仲係熱嘅，如果未攤凍就放入雪櫃的話就會變黑，果然拎上手都真係熱㗎，買咁耐都係第一次買到新鮮熱辣出爐嘅黃豆餅。

 

 

木瓜雪耳果仁湯

        呢期成日同 blog 友謙盈媽媽 “撞餸”，早前大家都不約而同整咗芋頭紫米露，真係撞到應一應！今次又同佢撞木瓜雪耳，不過佢係用嚟煲糖水，我就煲湯。

 

       原本想買埋海底椰一齊煲，點知行勻成個街市都唔見有得賣，平時唔用時就成日見到，到要用時就即刻失哂蹤，買嚫嘢都係咁，早知前幾日喺「佳寶」買開嘢時買包急凍海底椰啦！

 

純素布朗尼 Vegan Brownie

        整西式烘焙點心，幾乎必定會用到雞蛋，因為可以起到乳化作用，方便各式材料融合。但如果撞啱食齋日的話，咁就無得食囉！

        睇番本 vegan “天書”，有個 brownie 嘅食譜都唔錯，做法亦好簡單，好似整 muffin 咁將濕料倒入乾料內快手拌勻就攪掂，一於試試吧！

 

老將終於要退役喇！

        真係越窮就越見鬼！

 

        呢季開始電費同差響都無咗政府補貼，要自己交番，一下子又多成千蚊支出；上個月好友結婚，買禮物又用過千；呢個禮拜部洗衣機漏水情況越見嚴重，睇住呢頭入水，嗰頭就流番出嚟，水位根本都未達指定標準，都唔緊要，最弊係我要不斷拖地索水！！一個人一個禮拜先開一次機洗衫，仲要係低水位都俾多咗佢，咁你話我有得幾多件衫要晾呀！？所以呢幾個月基本上用嚟拖地索水嘅時間仲多過晾衫嘅時間，前幾日情況仲突然加劇，想唔換機都唔得啦，咁又唔見咗 $3000 喇！！

 

 

免炸吉列南瓜薯餅

        上次整完免炸 fish & chips 之後，用剩咗啲已經撈好油嘅麵包糠，一直放咗係雪櫃，要清埋佢至得！咁啱前幾日又整南瓜薯蓉，不如就試吓整吉列薯餅喇！

 

 

超鬆軟的紅麴甘酒麵包

        近排老友 Louisa 跟仙姐一齊出國學整麵包，當然學到好多嘢啦，佢同我哋講，原來用直接法整嘅麵包都可以好好食，就算放到第二、三日都依然軟熟，秘技就係翻面！翻面係歐洲人整包時會用到嘅一種手法，喺麵糰第一次發酵完成兼排氣後，通常都會將個麵糰滾圓，之後鬆弛十至廿分鐘或作第二次發酵，Louisa 就教我哋用翻麵代替滾圓，排氣之後將麵糰上下左右向內摺入，然後收口向下鬆弛 15 – 20 分鐘，時間許可的話，可重覆多一次，之後先至最後發酵，藉此將空氣摺入麵糰內，令麵糰內含有更多空氣幫助膨脹。

       

        前日又整紅麴甘酒包，今次有少少特別，額外落多少少水落去搓麵糰，放入雪櫃低溫發酵過夜，第二日拎番出嚟回室溫後就排氣，之後翻麵一次，最後發酵 45 分鐘就入爐焗。

 

泡菜雜菜鍋

        知道有韓國部隊鍋呢樣嘢好耐，但就唔太清楚其實係乜，睇相咪又係一貫韓國泡菜鍋咁一鍋紅湯，加多個即食麵落去。咁啱 Maangchi 姨上個禮拜教整呢個韓國部隊鍋，佢話自己都未試過呢個菜式，只不過不斷有讀者叫佢教整，佢先至飛返韓國去唔同食肆試菜，之後再教網友整。

 

        睇番佢個網頁，原來呢個菜嘅來歷係源自於韓戰之後，美軍將午餐肉、香腸、火腿、茄汁焗豆等罐頭醃製食物帶入韓國，呢類罐頭食品對於當時嘅韓國人嚟講相當新鮮，於是韓國人就開始將佢哋加入傳統泡菜鍋內。

 

       清楚知道咗之後，我更加唔會試囉，就算係 Maangchi 姨都坦言佢唔覺得咁樣嘅煮法會好味，吸引唔到佢！喺我眼中韓國飲食都比較著重天然食材，又有自己一套嘅養生食療，甚至會用到中藥材入饌，就連一般煮餸或醃泡菜都會用梨去代替砂糖提供甜味。呢個部隊鍋無啦啦走去加啲罐頭食物及即食麵落去，最頂癮嘅仲係茄汁焗豆，真係想像唔到個味道有幾好食囉！

 

        雖然我自己就唔會整呢款部隊鍋喇，但睇完Maangchi 姨點整個湯底，又覺得幾吸引喎，就用自己鍾意嘅食材，再參考個湯底部份用料整個泡菜鍋啦！

 

純素芝麻豆腐雪糕 Vegan Sesame Tofu Ice-cream

        喺型仔廚師個 Youtube 頻道度見到個 vegan ice-cream 好耐都無的起心肝整，咁啱早前整芋頭紫米露時用剩咗啲椰漿，要盡快清埋佢，因為椰漿好易變壞。突然諗起可以用嚟整雪糕，咁就趁天氣仲未係好凍，快啲試整咗個 vegan ice-cream 食譜。

 

        今次係 base on 型仔廚師個 tofu ice-cream，自己再加啲減啲，就變成黑芝麻雪糕喇！由於整呢款雪糕係唔需要煮過或加熱，原本想買盒裝即食豆腐嚟整，感覺上比較衛生，但始終都係嫌盒裝豆腐豆香味唔夠，最後都係買番街市豆腐檔嘅豆腐嚟整，反正腰果我都會先汆水，跟手放埋件豆腐落去囉！( 但其實型仔廚師係無將腰果汆水㗎，原粒就咁用。)

 

秋葵芽菜米紙卷

買一袋秋葵返嚟，無可能一次過食得哂，今日就用剩低嘅秋葵整咗米紙卷。



 

 

辣炒秋葵鮮淮山

        呢碟餸都真係 “黏鬥黏，潺鬥潺”，切完秋葵之後再切鮮淮山，攪到成隻手都係潺，黐黐立立，好似有啲唔知咩喺手咁，哈哈哈哈！！！

        好多人都唔多鍾意食秋葵，我估可能係煮得太過耐，煮到太軟身、太過黏，其實秋葵原本係可以生食嘅，不過我自己就未試過，無論係炒定係灼熟，一、兩分鐘就得㗎喇！