2014年4月2日星期三

焦糖杏仁猶太麵包 Caramel Almond Bagel

        早排喺圖畫館一次過借咗幾本食譜,一本係上次嗰本鹹蛋糕食譜啦、一本係麵包機食譜、而另一本就係 bagel 食譜。
 
       呢本 bagel 食譜分成兩部份,分鹹同甜兩款味道。鹹嘅我都已經整過幾次,今日就試吓整個甜啦! 



焦糖

材料:
           30
           10 毫升

- 將糖及 5 毫升水放小煲內,加熱煮至糖溶並轉變成淺啡色。

- 倒入剩餘 5 毫升水,快手搖勻並立即倒喺入爐防黏蓆上。

- 當焦糖凝固變硬後就切成細塊,備用。
 

麵糰

材料:
高筋麵粉      200
即用酵母      3
                10
                 3
                 125 毫升
橄欖油          5
蛋白             適量
杏仁片          適量

- 將麵粉、酵母、鹽同糖混合,逐少加水搓至起筋。

- 加油搓成糰,之後繼續搓揉及摔打成光滑麵糰。

- 將麵糰平均分割成 3 份,分別滾圓,靜置 10 分鐘。

- 用手壓扁麵糰排氣,然後用擀麵棍擀薄,將焦糖粒排上麵皮上。

- 將麵糰捲起,邊捲邊輕力按壓出空氣,捏緊收口。

- 搓長麵糰至約15 厘米長,將其中一端壓扁,包住麵糰另一端做成圈狀。

- 麵糰放上牛油紙上,發酵約 20 – 30 分鐘。

- 煲滾水,加入適量糖煮至溶解後,將火力調至最低。

- 之後將麵糰連牛油紙放入熱水內煮 30 秒,麵糰向下,紙向上。

- 撕走牛油紙後反轉再煮 30 秒,撈起麵糰瀝乾水份,放上已墊入爐防黏蓆嘅烤盤上。

- 麵糰表面掃上蛋白,撒上杏仁片。

- 放入已預熱至 210 嘅焗爐內,焗約 15 – 18 分鐘至表面金黃即成。

- 出爐後移到架上攤凍。 

以上材料份量可做直徑約 12 3 個或直徑約 6 8 個。
 
食譜出自藤田千秋嘅《輕食貝果 & 甜點貝果》。
 
   
上次同 Ernest 婆婆一齊整 bagel 時咪話學識咗一個技巧嘅,
就係將麵糰放上獨立牛油紙上發酵呀!之前跟嗰個食譜
無教咁做,每次將麵糰拎起放入熱水時都會變形
兼洩氣,因為始終唔多唔少都黐實張紙,
稍為大力少少就實唔掂,依家可以
張紙一齊搬過去就實無事啦!
始終都係要靠經驗至得。
 
 
 
 
 
 
麵糰包餡都包唔少,但包入焦糖都第一次見!
不過包得唔好,其中有兩個包包啲焦糖
焗溶後流哂出嚟兼焗到燶哂呀!!

 




不過唔緊要,廢物利用,做裝飾啦!
 
 
 


Notes
-
食譜原本係用蛋液掃面,但我唔想為咗用少少蛋液又開一隻雞蛋,所以解凍咗冰格嘅

  蛋白代替;而搓麵糰用嘅係牛油。


- 用糖水煮麵糰可以令麵糰焗完之後表面變得金黃色兼有光澤,份量比例為每 1 公升水
  加大 3 匙糖。但我又偷懶,煮完焦糖之後唔洗煲,即刻倒熱水入內再上火加熱至
  焦糖溶解,之後就用嚟麵糰。


- 若麵糰未焗好但中途杏仁片已經焗到好深色的話,可用錫紙蓋面繼續焗,避免焗燶。

 

12 則留言:

  1. 貝果是我最愛吃的麵包!
    而且我好愛烘熱來吃,趁熱時橫切夾片芝士好鬼正..^^

    回覆刪除
    回覆
    1. 我都鍾意,因為口感煙韌,好特別!

      呢個有焦糖夾心,唔使夾餡都已經好好味!

      刪除
  2. 回覆
    1. 點會呢,bagel 都算係易整,步驟相對少,易成功呀!妳有時間試試啦!

      刪除
  3. 整得好圓bor ! 我以前買黎食過, 覺得又硬又實, 試下自己整會唔會對 bagel 有改變先。

    回覆刪除
    回覆
    1. 咁啱撞手神,今次三個都整得咁圓咋!

      妳之前食有冇焗番熱先食呀?唔焗番軟身少少係會好硬、好韌,呢個亦都係 bagel 特色。自己整出爐趁新鮮食,肯定會改觀呀!^^

      刪除
  4. 整得好靚,仲要物盡其用,讚!

    回覆刪除
  5. 廢物利用得嚟好靚哦!你真係好心機呢!

    回覆刪除
    回覆
    1. 其實我都係拎起塊焦糖準備拎去掉,但一拎上手發覺好靚,咪放上個包度做裝飾囉!

      刪除
  6. 有機會我都試吓整BAGEL 先

    回覆刪除
    回覆
    1. 係喎,咁耐都未見過你整 bagel,玩少次 icing 整 bagel 啦!

      刪除