新背囊

        自從我個好拍檔、好戰友榮休之後，我一直都無買番個新嘅大背囊，唔係款同 size 唔啱就係價錢唔啱，所以拖拖吓就無咗件事。

 

        好耐之前有次跟 Winnie 見面交收時，佢見我左一袋右一袋，拎到成隻 “積” 咁，問我做乜唔帶背囊，我話我無背囊用，原來佢將呢句說話記到依家，有次佢 whatsapp 我話買咗個背囊俾我，咁我當然非常開心啦！開心唔係因為有新背囊用，而係老友咁有我心，隨便的一句說話都咁上心，難怪以前媽咪成鬼日都讚佢好，話要介紹個好男仔俾佢喎，我心諗，有好仔我都一手搶咗佢過嚟先啦，幾時到佢要呀，哇咔咔咔咔咔 ~ ~ ~ ~！ XD

 

 

個款好啱心水，一啲都唔花巧，I like it！！Winnie，

thank you very much，妳真知我心水哦！

仲有 Winnie 媽咪親手包嘅椰菜餃，非常好食，因為餡料

夠哂爽口又唔會好多肉。今勻真係又食又拎，

正確嚟講係連拎都唔使拎，因為係

佢送埋上門哦，哈哈！ :P