2015年6月17日星期三

黑豆木耳木瓜湯

        今日喺街市買到兩個好靚仔嘅木瓜,菜檔阿姐就話今日木瓜賣得好平,賣 $5 斤,以近排價格以言係咪真係好平就唔知喇,因為好耐無買之餘,自從檔口變到迷你 size 之後就連價錢牌都無位擺,以前就算唔買某樣嘢,但見到個價錢牌都可以大約知道行程,依家就無呢支歌唱喇,而且有啲貨迫住要放喺佢哋檔口入面,要就嗌佢哋拎俾你,無得樣樣都落手落腳自己揀,更加唔好意思叫人家攞好多出嚟俾你揀啦!希望個街市快啲重建完成。
 
        我自己就好怕熟木瓜,唔知點解嗰覺得味道好難聞、好臭,聞到都即刻反胃兼作嘔,但問過好多人又話唔覺得,究竟係我嘅嗅覺有問題呀,定係其他人都同我一樣都聞到同一種味道,但就唔覺得係臭,情況就好似榴槤味咁樣,所以我一般都只會買青木瓜,好彩青木瓜煲湯都一樣咁甜。


今日用咗木耳、黑豆、茨實、紅棗同南北杏
煲木瓜,清甜又清潤。


 

14 則留言:

  1. 回覆
    1. 話時話,我真係咁耐都仲未整木瓜沙律,趁依家咁熱,搵日整先!

      刪除
  2. 熟木瓜的味.....我以前都覺得好怪好難聞,所以唔鬼食
    但因為某d原因,都係逼自己食多d,慢慢就接受左喇

    煲湯的青木瓜,我都係會買生少少的,有次買左微黃有少少熟的,煲湯的味太勁唔多想飲...

    回覆刪除
    回覆
    1. 太開心啦,原來唔係得我一個人咁奇怪!!

      妳睇相就見到我買個木瓜好似好黃好熟,但其實生切開時只係好淡好淡粉橙色咋!

      刪除
  3. 呢個湯睇落都好啱我老公,過兩日又買隻木瓜煲比佢飲先

    ps. 佢減肥, 叫我少d煲老火湯...=.="

    回覆刪除
    回覆
    1. 點解減肥唔飲得湯呢?呢個有木耳,通血管,清血脂呀!

      刪除
    2. 老火湯營養太好囉....
      查實我煲湯都飛哂肥,都係用豬腱、排骨頭多...
      家下我成日都想煮勁D,幫老公破戒...哈哈

      刪除
    3. 咁妳又唔好咁衰啦!其實妳煲湯唔落肉咪得囉!

      刪除
  4. 回覆
    1. 我都好少煲,一係煲湯,一係煲糖水。

      刪除
  5. 我老公都係唔喜愛熟木瓜的味道 , 但煲湯佢又會飲喎

    回覆刪除
    回覆
    1. 原來唔係淨係得我一個咁異類!!

      通常煲完湯之後味道無咁濃㗎!

      刪除
  6. Kestrel, 無論木瓜熟定唔熟,我都係覺得臭同難聞。你冇發覺我冇煲過木瓜湯咩

    回覆刪除
    回覆
    1. 嘩,妳仲犀利過我喎!但係青木瓜 (瓜肉亦然白色的一種) 應該無味哦!

      刪除