2015年6月27日星期六

涼食韓國粉絲

        平時煮韓國粉絲我都係熱食,所有材料分別炒熟後就全部回鑊加調味兜炒,但依家天氣咁熱,真係做得少啲得啲,盡快離開個熱廚房為上策,所以今次反而跟番韓國正宗做法,全部材料都唔回鑊加熱,就咁撈調味料就算,少啲功夫之餘又唔使食到個人咁熱。
 
 
粉絲唔回鑊都有好處,唔使再次加熱,質地更加煙韌彈牙。 
 
 
 
 
 
 
每樣少少炒埋又變成一大鑊,加韓國辣椒醬、韓國
麵豉醬、糖、豉油同麻油,一撈就攪掂。
 
 
 
 
 
 
呢餐幾有韓國 feel,唔單只有韓國粉絲同泡菜,
白飯改用珍珠米煮,連對筷子都係
韓國不鏽鋼筷子呀!
 
 
 


有興趣的話,可參考《韓國炒粉絲》做法。


10 則留言:

  1. 未試過涼食韓國粉絲,睇落幾吸引~~哩餐連用具都韓風十足呢!

    回覆刪除
    回覆
    1. 我都係第一次,不過其實都唔係完全涼透,仲有點微暖,只係無回鑊加熱啫!

      對筷子都好耐歷史 lu,係我媽咪好耐之前去韓國旅行時買嘅。

      刪除
  2. 天氣熱到我都唔想入廚房煮飯,食熱葷。

    回覆刪除
  3. 回覆
    1. 係呀,我就係鍾意佢個煙韌口感!但我睇清楚包裝,原來今次呢包係 made in China 囉,所以 T&P 都話番薯粉絲跟韓國粉絲無分別。

      刪除
  4. 您真係好鍾意食韓式食品喎!

    回覆刪除
    回覆
    1. 唔係哩,我真係唔係特別鍾意食韓國菜㗎!只係因為 Manngchi 姨喺 Youtube 度教點整,我覺得似睇電視烹飪節目,比較形象化,易啲掌握,等於食譜無相片的話,我都無興趣睇㗎!

      其實只要唔係粵菜我就鍾意食㗎喇,之所以妳成日見我整韓國菜,係因為一來我超鍾意食辣,無辣不歡,相對少肉食,同埋妳有無留意到,我整嚫嘅韓國菜式都相對簡單,難嗰啲我就唔會掂呀!

      刪除
  5. 天氣咁熱真係冇咩胃口 , 呢個韓國粉絲唔錯呢 , 韓國粉絲夠彈牙 , 好味道呀

    回覆刪除
    回覆
    1. 係呀,同中國粉絲完全唔同口感。

      刪除