老黃瓜羅漢果霸王花湯

        今日係小暑，但反而無上個禮拜咁熱，喺廚房做完一輪嘢都無身水身汗。

 

        原本應該買冬瓜煲湯消暑，但早兩個禮拜已經煲過冬瓜，所以今餐就用老黃瓜煲湯。其實都唔知加霸王花落去夾唔夾，只係純粹多一樣餸，不過都唔緊要啦，反正霸王花又唔係藥材，應該食唔死，唔會中毒，呵呵！！

 

 

 除咗老黃瓜、霸王花同羅漢果之外，仲有生熟

薏米、炒扁豆同赤小豆，袪濕呀！

最鍾意食霸王花條花芯，口感滑 luet 1 luet 1，食落

好過癮，細個時媽咪一定留一條俾我食㗎！