2015年7月9日星期四

食得健康嗎?

        呢兩日天氣跟之前真係完全兩回事,唔單只氣溫低咗唔少,仲好大風、好涼爽㖭!夜晚瞓覺時唔使開風扇之餘,瞓瞓吓仲凍醒要搵被冚!
 
        今朝因為無特別事要做,所以瞓到好晏先起身,頭兩餐合拼埋一餐食,食完之後就出門去教琴。正當一砌準備就緒,諗住影完相就開餐之際,突然收到 Ada 電話,問我係咪好大風好大雨,我話無雨落,只係好大風,咁 Ada 就叫我不如立即過去同妹妹上堂,好過之後大風大雨時要出街,咁我當然係 say yes 啦!所以我就嗱嗱聲換好衫,塞隻蕉落肚就出門口,最終教完返嚟六點鐘先食第一餐呢!
 
 

就咁望落呢餐好似好健康,甚至有人會覺得齋到爆,
但實情係所有嘢都係雪櫃內嘅剩餘物資,所以
我都唔知叫做健康定唔健康喇!!
 
 
 

8 則留言:

  1. 用剩餘物資都可以係健康呀。我的魚都係放冰櫃啦。唔通日日去釣游水魚,摘新鮮蔬菜咩。

    回覆刪除
    回覆
    1. 啲人成日都話蔬菜唔好放雪櫃太耐,煮好嘅就要即刻食,唔可以隔夜嘛!

      刪除
  2. 健唔健康睇你食咩同點煮啫,一睇就知你D剩餘物資健康啦~~

    回覆刪除
    回覆
    1. 哈哈,多謝妳咁欣賞我啲剩餘物資呀!

      刪除
  3. 您D食物材料都好健康,但您D食飯時間就唔健康了,三餐合埋一餐食,對個胃唔好呀,飲食要定時先健康咖 >=<

    回覆刪除
    回覆
    1. 唔係咁誇張,只係兩餐走埋一餐啫!平時都係定時用餐,只係呢日突發情況啫!

      刪除
    2. 贊同,食物配搭好健康,必要ge營養都齊哂,但搞到6點先吃...
      打包左先,有機會吃就咬兩啖嘛

      ps. 我成日同老公講,我肚餓會發癲,一發癲就會起勢咁咬佢,所以千其千其唔好餓親我~~:p

      刪除
    3. 哈哈,妳咁都得呀!! XD

      因為我返工時間嘅關係,我好晏先起身,通常三餐時間係 12 - 6 - 12。

      刪除