韓式涼拌菜

        印象中好似咁耐都未試過成餐都只係食涼拌菜做餸，韓國菜中涼拌菜就最多款式揀，今次試咗菠菜同大豆芽整嘅涼拌菜。

 

 

涼拌菠菜

 

材料：
菠菜
蒜蓉
蔥花
炒香芝麻

 

調味料：
生抽
麻油

 

- 菠菜洗乾淨，放入滾水內，加少許鹽，煮半分鐘後盛起。

- 放入冰水內過冷河，之後榨乾水份，切段。

- 碗內加入蒜蓉、蔥花、芝麻及調味料，略攪拌。

- 將菠菜加入，拌勻即可。

 

 

 

涼拌大豆芽

 

材料：
大豆芽
蒜蓉
蔥花
炒香芝麻

 

調味料：
生抽
魚露
麻油
韓國辣椒粉

 

- 大豆芽洗乾淨；煲滾水，加少許鹽，放入大豆芽煮至軟身。

- 盛起大豆芽，放入冰水內過冷河，略榨乾水份。

- 碗內加入蒜蓉、蔥花及調味料，再放入大豆芽拌勻。

 

- 灑上芝麻即可享用。

 

用菠菜嚟整涼拌菜的話，大多數都係會用日式

芝麻醬，呢個韓式做法味道都唔錯。

 

 

 

 

 

 

大豆芽唔好烚得太過腍，保持少少爽口更加好食。

 

呢個韓餐仲有參考咗 Maangchi 個食譜煮嘅雜榖飯哦！

 

 大家亦可以睇番 Maangchi 各個食譜：