2016年10月14日星期五

多謝!!

        Ernest 媽咪今日送咗本食譜俾我,係仙姐嘅《點點我心》。
 
        一向都好鍾意仙姐嘅食譜,尤其係中式點心,做出嚟成品特別合心水,各方面都恰到好處,因為仙姐通常都習慣將個食譜整 N 次咁多,邊做邊調整食材份量,直到自己完全滿意為止先將食譜公諸於世,所以佢嘅食譜一定信得過,而且一定可以成功整到,唔似得有食譜咁整幾次都唔成功,根本就係個食譜有問題,又或者係刻意將所謂嘅 "秘方"、"秘訣"、"秘技" 收埋,唔係完完整整咁跟大家分享,用咁嘅心態去出食譜,不如唔好出好過啦,我自己就覺得同扼錢都無乜大分別!!
 
 
等到過埋下個禮拜嘅考試就可以抽時間實習
一下,成功整到的話就可以回禮喇!






今日仲好有口福,可以食到 Ernest 婆婆親手整嘅蛋糕
cocktail,款款味道都係我杯茶呀!!






Ernest 媽咪整嘅抹茶曲奇都非常好食,抹茶味
好出,因為用咗奶味比較淡嘅北海道
牛油整,唔會蓋過抹茶味道。






仲有櫻花曲奇,上面灑上紅桑子粉,不過
我就無試呢款喇,因為牛油味
太濃,我頂唔順呢!


2 則留言: