2016年10月14日星期五

間接做善事

        食過曲奇同蛋糕,又收到本精美食譜,咁順便幫吓老友忙都好應該呀!
 
        Ernest 媽咪有啲包裝食物想送俾有需要人士,但又唔知捐去咩地方好,我突然想起灣仔一個商場裡面長期放咗一個紙箱喺度,有心人可以將食物放低,等有需要嘅人取用。反正我轉車返屋企時必定要經過呢個商場,咁都係順手啫,施受雙方都有得著,我呢個 "中間人" 都間接幫手做善事,哈哈!
 
 

 呢個計劃係由商場同聖雅各福群會嘅食物銀行
眾膳坊合辦,只要係未到期嘅包裝乾貨
食品就可以放低供有需要人士取用。
 
 
 
 
 
 
如果大家有機會行經灣仔集成中心的話,
不妨做吓善事,幫吓有需要嘅人
提供短暫膳食援助啦!


沒有留言:

發佈留言