2009年10月5日星期一

黑芝麻粉

        黑芝麻粉係我一定會整定擺喺屋企看門口,因為實在太有用喇,可以要嚟整芝麻糊、芝麻醬、麻蓉餡、伴食麥片,又可以要嚟做餅乾、麵包、蛋糕材料,用途多都數唔哂!之前整落個樽已經差不多用完,今日 dayoff 得閒,整定一樽先!



        材料好簡單,就係得黑芝麻一樣!做法亦唔難。






先將黑芝麻洗乾淨、瀝乾水。( 原來用洗米呢個篩嚟洗芝麻都幾方便喎!)

 




將芝麻用白鑊炒香後,盛起攤凍。

 




之後將芝麻放入攪拌機內,用乾磨刀打成粉狀。

 




咁就攪掂啦,係咪唔太難呢?

 




放入密氣樽內,並保存於陰涼乾爽位置,可存放好長時間 o架!







Notes:
- 一定要將芝麻徹底洗乾淨,因為有好多雜質。

- 炒芝麻時,若果見到芝麻開始變得乾爽,唔黐鑊鏟,靜止時聽到微弱嘅 "辟呢
  巴啦"聲,並見到芝麻會彈跳起,就代表已經炒好。

- 將芝麻打成粉時,切勿打得太耐,因為攪打時所產生嘅熱力會令到芝麻出油,混
  合埋一齊會變成芝麻醬。


 

2 則留言:

  1. 自家制好厲害
    [版主回覆10/06/2009 01:42:00]        邊算厲害呀,已經算係好簡單 o架啦!好過俾貴錢 喺街買啦!買包芝麻 自己整平好多!

    回覆刪除
  2. 黑芝麻仲好有益添, 我都要整番樽, 唔知食幾耐我d白髮先變黑!!
    [版主回覆01/29/2010 22:51:00]       係呀,好有益 o架!        真係咁掂?咁妳食到白髮變黑髮時,就記得講句:「得 咗!」

    回覆刪除