2009年10月21日星期三

班蘭雪芳蛋糕伴脆焦糖 Pandan Chiffon with Crunchy Caramel

        今日同大家分享番前日同 Winnie 一齊整班蘭雪芳蛋糕。
      
       其實今次整班蘭雪芳蛋糕,主要係因為整完之後 Winnie 想拎返去俾佢媽咪食,皆因佢媽咪對之前食過嘅班蘭月餅念念不忘,再加上佢上次Louisa 屋企試食過都好鍾意,所以就決定試自己整。



 
班蘭雪芳蛋糕

材料:
低筋麵粉      75
泡打粉          
3 克
鹽                 少許
熱水              80 毫升
班蘭葉         15 克
橄欖油          3 湯匙
蛋黃              3 個
蛋白              4 個
糖                 70 克
甜忌廉          150 毫升


- 先將麵粉、泡打粉同鹽過篩 3 次,備用。

- 熱水倒入攪拌機,加入班蘭葉打成茸,之後隔渣取汁。

- 用 60 克班蘭汁跟植物油一齊拌勻,待用。

- 蛋黃加 40克糖,用打蛋器打至發白,將之前嘅班蘭汁混合液加入蛋糊內,然後篩入麵粉,
  輕手拌勻。

- 蛋白打到開始起泡之後,就分次加入 30 克糖打至企身,然後分兩次拌入麵糊度。

- 將麵糊倒入雪芳模內,枱面輕輕敲幾下,等啲較大嘅氣泡消失。

- 放入已預熱 180 °C 嘅焗爐內,焗約 30 分鐘至熟,出爐後立即倒扣,攤凍後脫模。

以上材料份量可做 7 吋雪芳蛋糕一個。

食譜係嚟自關琬潼 (Shadow Kwan ) 走進異鄉廚房》。



蛋糕脫咗模喇!

 
 
 
 
blog 友 A Moon 同 Louisa 後,卒之到我同 Winnie
整到個 "熟悉嘅凹陷位" 喇,哈哈!



焦糖

材料:
糖                   
40克
麥芽糖            10克
水                   10克
梳打粉            2
 
- 將糖、麥芽糖同水放入煲內,用慢火慢慢煮溶。

- 糖水開始煮到轉色時,輕手拌勻。

- 當糖漿煮到微微金黃色時就即刻熄火,加入梳打粉,之後快手拌勻。

 
 

 
- 跟住即刻將焦糖漿倒喺入爐防黏紙上。

 
 
 

 
- 攤凍後將佢搣成碎粒狀。


 
組合

- 甜忌廉座冰水打至企身。

- 用抆刀將打起甜忌廉抆上蛋糕表面及內圈。
 
- 喺蛋糕面上放上脆焦糖裝飾,完成。
 
 

 
攪得哋個 lunch 都差唔多係人dinner 喇!

 
 
 
 
 
Winnie 要將我哋個 tea-lunch "曬冷":除咗新鮮整起嘅蛋糕之外,
仲有薯蓉同我哋兩個至愛Pumpernickel」 黑麥包。

 
 
 
 
 
雖然個班蘭顏色唔夠綠,但班蘭味就非常香濃。

 
 
 
 
 
呢張相係 Winnie 指定我要影,因為佢話要話俾大家聽,
抹 cream 嘅最大用途就係要嚟遮醜!相中紅圈
位置就係"熟悉嘅凹陷位",表面完全
cream 遮住哂!

 
 
 
 
 
跟住我哋又整多一轉,呢次啲蛋糕我哋係無份食
因為全部都係整俾我屋企人食

 
 
 
 
 
因為見第一轉個蛋糕唔夠綠,所以第二轉啲班蘭
用量就加多咗!今次個色係咪綠好多呢!

 
 
 
 
 
呢個其實都係一樣,之不過係用個紙杯裝住咋!


 
 
 
 
Notes:
- 整第二轉蛋糕時,我哋將個 recipe 改咗少少,將 10 克麵粉改為粟粉;油份就等攪好麵糊

  之後先落,焗出嚟個蛋糕好似挺啲、靚仔啲,所以即使用紙杯模裝麵糊, 雖然無咗中軸,
  都唔會塌下。 

- 整脆焦糖時,當加入梳打粉後就要快手攪拌,但唔好攪太耐,因為會消泡,咁就發唔起
  啦!

- 脆焦糖放咗上 cream 上面後要盡快食用,因為會有少少溶化。

- 如果想班蘭顏色比較出的話,可以將食譜內班蘭葉份量增加。



P.S.
最近多咗研究 Photoshop 嘅用法,學識咗用好多功能,以下兩幅就係 "整容前" 同 "整容後" 嘅相片,你哋發現到有幾多個不同之處呢?好,依家開始計時,
photo  hunting 正式開始,睇吓邊個搵得快啲先


Winnie 買嘅鬱金香襯托之下,個蛋糕特別靚。

 

 

6 則留言:

  1. 好正喎!!!如果個CREAM都係班蘭味仲正!
    遠睇個蛋糕有D似菠羅
    下次我又想去玩喎,一齊整餅丫
    [版主回覆10/22/2009 02:13:00]        嗯,又無 諗過 啲 cream 都落埋班蘭喎!不過唔知份量點計。         我覺得似榴槤多 啲喎!        去邊度玩呀? 喺我屋企整咋嘛!

    回覆刪除
  2. 嘩...好吸引呀
    [版主回覆10/22/2009 01:03:00]        我自己都覺得好靚呀!

    回覆刪除
  3. 個脆焦糖雪芳都唔錯丫, 不過有d似一個白色榴槤........凹位唔算好勁, 都ok了.
    [版主回覆10/23/2009 16:40:00]        多謝 A moon 你先!        係呀,我都覺得似個白色榴槤呀,哈哈!         咁你有冇睇到我個 friend Ah Sa 最近整果個班蘭戚風呀,真係好靚、好有水準呀!

    回覆刪除
  4. yummuy
    [版主回覆10/23/2009 23:06:00]        好味道呀!妳都試 吓整,唔難!

    回覆刪除
  5. 原來可以用麥牙糖代替粟膠呀?早知我唔買一大盒粟膠啦!雖然唔貴但係大大盒又唔知仲有咩用!
    [版主回覆11/30/2009 19:29:00]        我原本都準備買粟膠整 o架喇,點知見到好多 blog 友都係用麥芽糖整,咁就當然即刻唔考慮粟膠喇,學妳話齋,咁大盒,都唔知做乜好!

    回覆刪除
  6. (Empty)
    [版主回覆02/22/2011 23:52:00]         唔駛流口水,妳都試 吓整啦!

    回覆刪除