2010年2月14日星期日

大年初一,恭喜發財!

        今日係新正頭大年初一,首先喺度同大家拜年:



        一向過時過節都唔會太有氣氛,都係平平淡淡渡過,因為親戚甚少,來來去去都係得果兩三家,而且隨住自己年齡嘅增長,身邊親友更逐個離開,可以話係買少見少,呢兩年連媽咪都陪唔到我哋一齊過年,氣氛更遜往年。


        好在近排老豆去咗佢個 friend 個農場度幫手,所以今年啲年花同年桔返嚟,咁都叫做有番少少過年氣氛。



呢盆蝴蝶蘭 (希望我無錯個名啦!) 真係好靚,顏色配搭靚之餘,仲
開得好燦爛,朵朵都有番咁上下大 o架!之前 Winnie 過嚟拎個
蘭蛋糕
時,佢見到都讚好靚呀!本來都諗住叫老豆拎盆返
送俾佢
嘅,但原來係咁貴,所以都唔敢開口 lu!!
 


 



前幾日老豆話俾我聽,喺農場度啲蘭花出貨價係 $150 一枝,咁依
家呢盆有 3 枝,所以都已經值 $450 o架喇!去到花店,人哋打
開門做生意,當然要賺錢啦,咁就會賣更加貴喇,不過老
豆話依然好多人幫佢哋農場訂貨呀!


 



既然啲花咁靚,咁就俾closeup 照大家睇吓,同大家一齊分享啦!




咗蘭花,老豆仲拎咗盆龍膽桔返嚟。呢盆四季桔好茂密,啲桔仲好
大粒 o添唔!老豆專登叫個 friend 留番盆最細嘅俾佢,呢個 size
唔大唔細,擺喺屋企啱好,過完年仲可以浸鹹柑桔 o添!


        祝各位 blog 友有個開心愉快嘅農曆新年,恭喜,恭喜!!


2 則留言:

  1. 恭喜發財!!!
     
    今日要一早出發, 踩晒新界離島港島, 都唔係咁盞, 我自己屋企, 一d過年東西都冇的.
    [版主回覆02/14/2010 12:21:00]        恭喜發財!!         大年初一就行大運,咁你今年實有運行啦!

    回覆刪除
  2. D花又靚, 映D相又靚, 如果相中的字可以放在旁邊, 和字體細少少就更好了!  新年快樂。
    [版主回覆02/15/2010 14:03:00]        啲花靚就真 嘅,但相靚就唔係喇,我唔識影相 o架,又唔識 攞角度,求其影到就算!妳咁所賞,送張無字 嘅俾妳啦!        Anyway,多謝妳呀芹菜,新年快樂,身體健康!

    回覆刪除