今次呢個 order 其實接咗好耐 o架啦，比起 Winnie 個 order 仲要早好多，但因為唔係咁方便買到班蘭葉，所以拖到依家先完成埋呢個 order。
其實個 order 係老豆個農場 friend 叫我整個魔鬼蛋糕同班蘭戚風俾佢試嘅，咁既然整咗咁多班蘭椰漿喺度，咁就整個班蘭俾佢哋先啦！
今日我用 17 cm 戚風模嘅份量做咗兩個細蛋糕，一個當然係俾老豆個 friend 啦，另一個就梗係留番嚟我同老豆品嚐啦，無理由整兩次自己都無得食 o架！
整完後試味加事後檢討都要啩！！
上次幫 Winnie 整果陣，以為蛋黃無打發而令蛋糕唔係咁發得起，但原來係唔關事。今日再整時，就發現當蛋白霜拌入蛋黃班蘭混合物時，就立即聽到好細聲嘅 "吱吱咋咋"，不停咁響，原來係啲蛋白霜消緊泡呀！！所以我就快快手拌好之後就倒入模兼入爐焗，所以今次問題就唔係咁大，同埋唔會太濕。之前整 Winnie 個蛋糕係 20cm，用料自然比依家多，所以需要較長時間去拌勻，亦因為咁樣，蛋白霜消泡時間亦多咗，所以就攪到發得唔好囉！
焗緊蛋糕，清洗用具果陣時，突然間俾我諗到個蒸餸架
可以要嚟咁用！哈，真係方便。
唔知點解，一個焗得咁金黃，而另一個就焗得咁淡色呢！？
唔通個爐嘅火力咁唔平均？當然，靚啲果個就梗係要嚟
送俾人啦，所以就留番淡啲色果個俾自己食啦！
嚟緊禮拜六仲會整多次 o添，呢次就係整俾老表 Lily 佢哋食喇，之前一早都已經講好咗會整俾佢哋 o架啦，不過唔知佢哋鍾唔鍾意呢？上次 Lily 話俾我聽，佢啲同事買過「美心」個班蘭戚風嚟試，佢哋話班蘭味難食到不得了喎！咁我聽到之後第一個反應係：吓，好難食！？
唔知做一個蛋糕時, 可唔可以都用蒸餸架呢 !
回覆刪除[版主回覆02/04/2010 11:41:00] 梗係得啦！我未放哂兩個上去之前，梗會先放一個 o架嘛！
你的兩個係不銹鋼模好靚仔, 幾大呀? I mean size.
回覆刪除消泡, 可能係椰漿的影響, 下次熱打蛋黃椰漿試試.
[版主回覆02/10/2010 14:56:00] 個兩個模得 4 吋零 5 吋咋，不過 $10 個都唔駛，質地都 OK，幾抵玩， 喺 JUSCO $10 店買。 都好喎，下次試 吓學你用暖椰漿先！因為消泡關係，平時同一份量裝滿呢兩個模後都仲有剩，呢次就裝滿兩個模都 "Man Man 緊" 咋！
似唔似美心買的?我沒吃過這個蛋糕 ,所以不知道味道如何, 美心買好似好貴甘!
回覆刪除[版主回覆02/11/2010 03:18:00] 完全唔似美心賣果 啲 o架，自己整好食好多，香好多！美心 果 啲係落 咗色素同香精整 o架，唔係天然材料，學我個 friend 話齋，只係一個好食 嘅化工廠蛋糕！